Asu : T. Salem Hall, Tipa ‘V’
A daiti : 17-21 January, 2009
Chairman : Rev. Victor Ve-u
Secretary : Rev. Haidau.
Leaders :
Co-ordinator – Dr. Sasa Mara
Asst. Co-ordinator – K. Vabeihmosa, Beilawkhai, Vakhithie
Advisors : Rev. Byhna, Rev. Peter Beichatlai, Sayakyi Amit.
Mara History liata eima tao ngai leipa, International Mawta Famine Seminar cha January 17-21 khata a eikhana chata Tipa khih liata hneipa acha. He liata avaw hlao theipa zie cha Khi 102 tawta khichhai maluh 1201 ama vaw hlao thei.He lia liata avaw hlao theipa zy he, Mara, Lautu, Sawhmo, Kahrie, Tihroh, Hroki, Zaophei, Lautu nata khumi zy ama cha.
He daiti hmah awhpa heta Puhpa.Hiphei, Ex-MP chhao avaw hlao thei hrata,Mawta Chakana Seminar avaw hlao theipa zy hnota bietana pha ngasapa ahnei hra. Satlia Sasa Mara heta viasa pano a vaw chhih ta, cha zy cha B.A Bannedette, BBC corespondent nata Dr.Susan(Dr.Sue) of Canada zy ama cha. He programme chho zydua heta Miss.B.A Bannedette heta Video Camera ta cover lyma ta, hehe February thlapa liata BBC tawta braodcast awhpata a rei.Siaha taw chhao ta Mara Artist nah Ls.Kalvary Hlychho nata Ls.Samary zy chhao ama vaw hlao hra.
Objective :
Niedo rairupazy chata Sept’1-3,2008 liata Aizawl liata Mara nopaw 57 zyta Maraness Cox nata a tyhna hnei eita,Sept,2009 liata UK sawkha tawta baona $1.7ml. Mara rah khih nata Khumi rah khih 117 chata vaw piepa a cha, ano deikua cha atanoh taita sah baona ama hmo tla leipa vata atahma he Seminar hneipa a cha.
World Food Programme ta Mara rah liata Chysa 55000 hnota December,2008 chho liata pie awhpata bie a taipa, apie leina thatih zy nata atahma taita niedo rairupa hnota Chaka baona avaw tlo thei leipa vata rei chanei lyma pa a cha.
He Seminar liata avypa zy heta a hawna tao eita,tahma ta rairu ngasa pata chakana ta miah a cha naoh ngapa khihzy he kheita a chapa chhaota Phusa lata miah pie leipa ula, Sah lata tlao miah pie hri te u, tahpata International liata a ypa UN lata hiah khei awhpata ahawna ama hnei.
He Seminar he Dt.21.1.09 za ta Closing Ceremony ahmahpa chata achhaza hetaHe liata avy pazy heta ama la dah nocha ta Pho la chi nano nanopazy mohpha kawpata pamohsapa chata,Tipa M.Ch.P nata ECM KTP Tipa zy nata,Chapi Hermon,Mawhro KTP,Sabyh KTP zyta Hlapy chakaona hnei eita, Hla sa thaipa. Mara Artist zy chhao programme chho liata hlasana ta chakaona ama hnei lyma hra. A chhana noh heta St.Sasa Mara nata achhokhazy ta Khichhai nata khichho zydua chata kyhchhina ama pachhuah-panoh cha aly ngaita kawpa nata apahah ngaitapa ta nie pahmaopa a cha.