Human Resource Development (HRD) Ministry, Government of India bie hawh ta Teacher a châ awpazy cha a Training chiehpa ama châ bâ awpa tahpa châ ta, cha hleikhô ta Right To Education (RTE) Act bie hawh ta Elementary Level (Class 1 to 8) Teacher a châ ngâ haipa, a training mâh leipazy cha kô 2019 March hlâta amâ training khai bâ awpa tahpa a châ. (Hmialâ liata cha kô 2015 kha RTE Act ta deadline avaw taopa a châ taraw.)
He hawh ta a châ vâta kô 2016 liana kha ta Teacher achâ ngâ haipa, a training mâh leipazy hluhpi ama y tahpa Sawhkhâ ta pahno ta, âmo pabâ thlâh awpa cha ama nietluana arao awpa hleikhô ta siku hawti zy apachutuh awpa ama y khao lei awpa vâta pabâ awpa aryh leipa ta, âmo châta National Institute of Open Schooling (NIOS) ry liata Teacher Training daihti cha kô 2017-2019 chhôh a vaw pahy. Achhâpa cha amâ Training awpa he kô 2 course a châ vâta a châ.
Cha amâ Training awpa moh cha Diploma in Elementary Education (D.El.Ed) a châ. He he Teacher a châ ngâhaipa, a training mâh leipazy châ ta taopa châ ta, SSA Teacher zy chhao pahly khai ta, hlao hneileipa, Volunteer teacher zy chhao a pahly khaipa a châ.
District to liata District Institute of Educational Training (DIET) eima hneipa liata D.El.Ed he a training thei pyly ta, NIOS ry liata D.El.Ed nahta pahlao pahli tlamaw lei awpa awpa a châ.
DIET liatahpa he cha Regular Class kiah byuhpa châ ta, NIOS ry liatahpa deikua Regular ta class kiah byuh leipa a châ.
HIAHRINA Y TYHPAZY:-
Q. No.1 = NIOS ry liata D.El.Ed Training ama pahy khao aw ma?
Answer = Bie heihpa a y lei khiah pahypa châ khao aw vei; sawhkhâ palôru liata cha Teacher a training mâh leipa zydua cha kô 2017-2019 chhôh liata amâ Training khai hapa hawh ta pachâpa a châ.
Q. No.2 = D.El.Ed a training khoh hra na ta, NIOS ry liata admission ama pahy mâh ma?
Answer = NIOS ry liata D.El.Ed Training pahy khao mâh vei ei, chavâta(bie heihpa a y leipa ta cha) Admission chhao pahypa châ khao vei. Athiehpa ta D.ElEd a training khohpa châta cha Regular ta DIET liata Admission la awpa a châ. Admission he kôchareih May thlâpâ liata pahypa a châ
Q. No.3 = D.El.Ed Back Paper hnei na ta, khati taihta ma clear awpa ta chance ama pahy?
Answer = NIOS ry liata D.El.Ed he kô 2 course châ ta, kô 3 chhôh ta patlô awpa tahpa a châ. A y zie cha March 2020 taih ta back paper roh-na daihti pahypa a châ.
Q. No.4 = D.El.Ed 1st Year châta Admission la haw na ta, 2nd year châta admission la my ha na ta, atahmâ â la thei khao ma?
Answer = Athei khao vei; 2nd year châta Admission lana daihti kha close hapa a châ.
Q. No.5 = Class-12 liata Aggregate Marks 45% tloh leipa na ta, atahmâ improvement tao ngâ kaw na ta, D.El.Ed vaw pass tlôh sah la, D.El.Ed Certificate ei tao thei aw ma?
Answer = Sawhkhâ ta D.El.Ed training awpazy cha Class-12 liata Aggregate ta Mark 50 % (45% for ST/SC) ama hmô cheingei awpa tahpa châ ta, thokha 45% atloh leipa ama y heih vâta Improvement taona daihti avaw pahy heih. D.El.Ed course ama tao chhôh cheingei ta patlô awpa tahpa a châ. 45% ama hmô ha tua leipa ta la Certificate dao thei aw vei ei.
Q. No.6 = Class-12 Improvement tao patlô haw na ta, kheihta hmah ma pazi awpa maw?
Answer = Class-12 Improvement atao patlô hapazy ta cha Class-12 liata 45% Percent ama tloh leina Original Marksheet nata amâ improve chieh-na Marksheet scan pa ta, NIOS D.El.Ed website liata upload awpa a châ. He he ama tao vei khiah improvement a tao mâh leipa nahta amâ lyu chy tah-na châ ta, tao cheingei awpa a châ.
Q. No.7 = NIOS he Office khataih lia ma a y
Answer = NIOS he Mizoram liata Office hnei vei ei; Nodal Officer hnei ei ta, SCERT, Aizawl liata Principal he Nodal Officer châta hmâpa a châ. Guwahati(Assam) liata Regional Office y ta, Noida(UP) liata Headquarters a y.
(Written by BeiRôkhu Beitâ, I & PO, MADC, Siaha. May 20, 2019. Source: www.dled.nios.ac.in, NIOS D.El.Ed Official website)