Badminton Association of India (BAI) Grade II Umpire Exam-na liata Mawrah tawhta laihsa pano ahlao ei ta, Mara laihsa Ls. B. Lalruatpuii D/o Puhpa B. Chhuangia (L), Siaha nata S. Lalparmawii D/o Puhpa S. Lianchhinga (L), Luangmual vaihpa zy ama châ.
He Beita laihsa Ruatpuii he a pôraoh nata a dovâh zy chhao a nô nata paw zy hawhta pha ta, sport chyhsa tlai a châ. He hawhpa duasu liata a dua theipa he apalaikhei pita, eima lykhei ngaita kaw.
Bie daona ta a rei dâh liata mark hmô sâh kaw ei ta, National level liata badminton competition liata Umpire ta hmâ lymâ thei bâ awpa ama vaw châ haw. Eima ly hmeiseih.
Ls. Ruatpuii he Siaha liata Mawrah sawkha ry liata Social Welfare Dept. liata Women Welfare Officer rai ahria haipa a châ.
Ama sie laih lymâ n’awpa liata Abeipa ta byhnâ pie via lymâ mawh ei sy.