SIAHA, 12 Chhiepa, Pakhynoh (MNN) – Atanoh dawh 12:00 Noon liata MADC E & F Department Hall liata MADC Sports & Youth Services pachhuahpanohpa ta Siaha District moh paphatuhpa Thyutliapazy palyupalihna Programme ahmâpa a châ.
He Programme ahmâkhei awpa ta MADC liata nôpaw chaipa Puhpa N. Zakhai, CEM hruapa châ ta, ano chhao a daihti sôh kawpa paruapa ta Programme ahmâkhei ei ta, he thyutliapa ama palyupalihpazy hnoh ta pasyupalina bie pha kawpa reina hnei ta, atahmâ liata chyhsa lâluahpa ama vaw châ hapa he padaihsa thlâh leipa ta atahmâ tawhta eima râh châta chyhsa hmâtlâh châ lymâ awpa ta khokheina a hlâ ei.
Programme he MADC Forest Department Hall liata ahmâpa châ ta, Puhpa JH. Beihnai, S & YO, MADC ta chhihtha ta, Puhpa K. Chhihrau, Sr. DAO, MADC ta Devotion a hmâh.
Gold Medalist nahzy:-
- T. Malsawmkima – Athletic
- L. Vanlalduatsangi – Boxer
- LH. Beihneisa – Boxer
- LH. Vasupha – Boxer
Gold Medalist nahzy he Incentive Cash Award Rs.30,000/- nata Citation hlâpa ama châ.
Silver Medalist nahzy:-
- NT. Beipatla – Boxer
- L. Joseph Buihringpachha – Boxer
- VL. Hmangaihchhunga – Boxer
- T. Beirapathai – Boxer
- Ramnghinglova – Boxer
Silver Medalist nahzy he Incentive Cash Award Rs.15,000/- nata Citation hlâpa ama châ.
He daihti liata Puhpa N. Vabeiratlua, Secretary, SDSC, Siaha nata Puhpa L. Khaichyu, MDC zy ta biereina chyupa hnei chyu hra ei ta, Puhpa A. Thazi, Instructor, S & YS Dep’t ta alynabie reina a hnei.
Hrua-eihpa Mara Idol Merina Hlychho nata K. Beilopha, Artiste zy ta hlasapa ta alykheina ama hnei hra.
He thyutlia palyupalihpazy hry liata Ramnghinglova – Boxer he ryhpaoh leina vâta ahlao thei lei ta, mo hropazy deikua âki kawpa ta amâ hlao thei khai.
He Programme liata MTP, MSO, MCHP General Headquarters zy hruapa ama châna hawh ta amâ hlao chyu hra.
(Admin, MNN.)