SIAHA, 15 Chhiepa, Pachynoh (MNN) – Atanoh kha Puhpa PP. Zalena, President, MTP General Headquarters(HQ), Siaha ta College Vaih liata Puhpa VT. Lawmsanga O cho/paopa a tly.
Puhpa VT. Lawmsanga O sa ngâ haipa, Puhpa JH. Beihnai O kiahpâh liatahpa cha zâhnia târi 14-6-2019 liata vâ sua daihti liata pao ta, a O he leichopa ta a chothlu vâta a paopa hawhta pahnopa a châ.
Puhpa Zalena ta atanoh a tly nona he ta College Vaih MTP zy ta O chopa liata chyhsa châta chichhihpa, a cho baichhi awpazy vaina awpa ta pathai a Tlâh-rai vaw hria ngâ kaw ei ta, he tlâhrai hriapazy Thopi dona awpa sôh baona chhao a hlâ pâ hra ei.
(Admin, MNN. Source: NT. Hrasia)