Ary liata palâsapazy he târi 9-17 Chhiepa, 2019 chhôh ta ECM Headquarters ry liata thâtih tlâhpipa nata Mission chakaona tlâhpipa pahnotheipazy a châ.
- SENIOR EXECUTIVE SECRETARY:
Rev. Dr. Laiu Fachhai, Senior Executive Secretary cha târi 13 June, 2019 (Thu) liata chhôhkha lâ peimawhna vâta Aizawl lâ a sie.
- BIBLE SOCIETY OF INDIA, AIZAWL AUXILIARY LIA RAI RUA:
Bible Society of India, Aizawl Auxiliary liata Auxiliary Secretary rai rua aw ta, chyhsa pihpathipa, Khazohpa awna hawhta apachâpazy châta hia theipa a châ. Ahiatuhpazy pahno awpa :-
(1). Post – Auxiliary Secretary, Aizawl
(2). Remuneration – Rs.10800-680-17600-760-29000-840-37400/- (DA- 66% of basic. Hill Allowance – Rs.1100/-, Medical – Rs.1200/-, children allowance Rs.1000/- per child, lahpi vahpa hnei mâh leipa kô 21 taihta).
(3). O tlô awpa ta ahluahtheipa official châta hmâ awpa piepa a châ aw.
(4). Educational Qualification: Awnanopa liata ordained minister BD/M.Th nata âkhopa degree, recognised University tawhta a hnei awpa châ ta, Awnanopa tlyma, organization liata administrative experience hnei pha kawpa ama châ awpa châ ta, Mizoram chhôh zydua, Tripura nata Cachar District, Karimganj nata Assam State lâzy sie tyh awpa abyuh awpa vâta hnatlâna phapa a hnei awpa a châ.
(5). Kô 40 – 50 likawh, English, Hindi nata state/district palâsapazy reih a hmâh thei awpa a châ.
(6). Ahiatuhpa chata plain paper liata hiana ropa, General Secreatry, Bible Society of India, LOGOS, 206 Mahatma Gandhi Road, Bangalore 560001 liata sealed envelope ta, July 31, 2019 a hiana a tlô awpa a châ. Hiana châ liata kô zie, educational qualification, training, experience, contact details, church background, recommendation châ copy 2 nata passport size chathi pâ awpa a châ.
(7). Interview awpa ta awpazy cha interview na su tlô n’awpa ta Rail (train) AC/Bus fare piepa châ aw ei ta, â liena lâta lâpi achyu thei chaina hawhta 10/% TA piepa ama châ hra aw.
(8). Candidate atly patlohpa cha BSI ta â tlypa Hospital liata ano sôh hryuhpa ta Medical check up a hnei awpa a châ.
- ECM PASTORS’ CONFERENCE HNEI:
Târi 13-14 June, 2019 liata ECM Pastors’ Conference, New Colony Local Church liata apalâh kawpa ta hneipa châ ta, Pastor 47 châ ei ta, New Colony Local Church ta noh 2 chhôhta pati pachhuapanoh ei ta, amâ ly ngaita kaw.
- BEIHPARI & LOCAL MISSION TARGET APATLÔH HAPAZY:
2019-2020 châta Beihpari apatlôh theipa local church zy- El-Bethel, Tisi nata Samari, Lôpu châ ei ta, Local Mission Target apatlôh theipa- El-Bethel, Tisi nata Lôlei Local church-zy ama châ.
- JANUARY- MAY 2019 MISSIONARY SPONSOR TUHPAZY:
Kô 2019 January- May chhôhta Missionary a sponsor theipa maluh zydua 1371 eima châ. Thla kha chhôhta maluh 109 ta vaw pôh via pi ta, aly â chhi ngâsa.
- REV. THYLUA HLYCHHO PATHLIENA DAIHTI HMÂH:
Atanoh târi 16 June, 2019 kha ta ECM Bethel Local Church my apakhyna liata assembly Program, Rev. Thylua Hlychho pathliena daihti hmâpa a châ.
He daihti liana heta Chairman châta Rev. Dr. Fc. Beichô (Moderator elct) châ ta, Rev. K. Laichhua Azyu, Assembly Secy (Sr) ta thyuna A hlâ. Pathliena bietapa Rev. Dr. S.T. Zawsi, ES (Edn) ta reih ta, Rev. C. Beima, Moderator ta pathliena thlahchhâna a hnei. Rev. Thylua Hlychho thâtih chyupa reina Rev. VL. Ngaia Hlychho, Pastoral Coordinator ta hnei ta, Rev. Thylua Hlychho ta bietapa reina a hnei. Rev. T. Salaw, ES (Misn) ta byhnâ awna ta daihti a pachhâsa. He daihti liana heta ECM Assembly Choir, New Colony Bia Hlapy nata Siaha vaihpi Pastor Bia Hlapy zy ta chakaona ama hnei. Hmosai piena chhao hneipa a châ hra.
- CHHAOLÔ PASTOR BIA, KRIZYHPA PAW PY MEET HNEI:
Târi no 31st May – 2nd June, 2019 pâta Chhaolô Pastor Bia, Krizyhpa Paw Py meet hlaotloh kawpata hneipa a châ. Biepipa châta ‘Araopataopathi’ (Isai 58:12) hmâpa châta, Rev. Dr. ST. Zawsi, ES (Edu), Rev. M. Beichi, Secretary KPP HQ, Rev. K.C. Thangching, Biatuhpa, Puhpa JB. Chozah, Vice President, KPP HQ nata Puhpa VB. Mokhai, Treaurer ,KPP HQ tawhta Abeipa bietana pha kawpa nahthliepa a châ. Nochhôh lâ he ataopasuana nata Seminar ta hneipa châta, Resource Person châta Rev. Chhuakhu Khithie hmâpa a châ. Ataopasuana liata Apôpalôh liata Sâkhana KPP Branch: Chhaolô, Sânona KPP Branch: Lôbô nata Sâthôhna liata KPP Branch Helbon zy ama châ. KPP manôhzy ta amâ thôhkhei kawpa ta bie daopa a châ.
- CHAKMA MISSION:
1). Târi 30. May – 2 June, 2019 khata Borapansury, Ugulsury nata Silsury liazy ta field Outreach ministry hneipa châ ta, Silsury liata ngiapâthiehpa pakha Bâti pachâsapa a châ.
2). Penticostal Day local to liata ahmâpa a châ.
3). Târi 14 June, 2019 khata Damlui liata outreach ministry hneipa a châ.
4). Evan. B. Vaki tlô awpa O, Udalthana liata C. Ngona ory cha Missionary zy suhrawh sukha thyupa tawhta sapa châ ta, hriatuhpazy ta noh 5 tlai ama hria tawhta ama patlô ha.
5). Thlahchhâkhei awpa ta ahawna:
(1). Evan. Beisunaw nata a lahpinô cha ama nô tlâleina vâta amohôh awpa ta eima râh liata ama y hai.
(2). Evan. C. Ngoha cha tlâleina vâta MGC Hospital, Siaha liata Admit pa a châ.
(3). Evan. L. Liako nata a lapihnô chhao ama nô tlâleina vâta Zyhno liata amâ mohôh hai.
(4). Work camp awpa survey hnei aw: Edenthar Awnanopa chata Damlui liata Achhyna o sa work camp kô chhâna lâ ama hnei awpa vâta surveyor team zy chata târi 14 June, 2019 khata Damlui lâ ama sie.
(5). Donation: Donation: Zyhno local Church zyta Silsury Missionary quarter Cum Achhyna o châta carpet chalei n’awpa ta Rs. 15,000.00 ama piepa kyh liata palôh hmeiseihpa ta alynabie ama reih.
- ARUNACHAL MISSION:
1). Changliang prayer Centre: Awnanopazy thlahchhâkheina vâta Changliang prayer centre chakaona cha Abeipa ta byhna apie pazao lyma. 9 June 2019 liana khata, he prayer Centre chakaona tawhta krizyhleipa chhôkha tawhta Laisa D. Ngi cha Zisu Krista cha Abeipa nata pachhatuhpa ta angiapâpa ta bâtina pachâsapa a châ. Krista ngiapâna liata â i kawpa ta â dua lymâ thei n’awpa châta Awnanopazy thlahchhâ amâ châ haw ei.
Changliang Prayer Centre liata hriatupazy thlachareih ama lymâ awpa abao sposor-tuhpazy chô liata Abeipa Zisu Krista moh ta alynabie, Arunachal Mission field ta areih hmeiseih. Namâ pie pasaina he Abeipa ta byhnâ apie lymâ. Tawhtala, sponsor tuhpazy moh nata sponsor na phusâ zie he ECM HQ mission tawhta phusâ ama dao na ta vaw palâsa tyh ei ta, achâh ta ECM HQ: Mission tawhta ama paphao hmâ leina daihti a y thei tyh, cha zy cha aheihpa phusâ ama vaw daoh heih tita ama vaw palâsa lymâ aw.
2). Dimbew khih liata Missionary quarter sana chôchah:
Awnanopazy thlahchhâ baona nata Krista khinarâh châta apie pasaipazy vâta Dimbew khih liata Missionary quarter 21 May 2019 pa tawhta sa pathaopa cha, sa patlô hawpa a châ. O chhôh Room partition nata Ceilling ngâlâh tao awpa abyuh haw bâ . He quarter sapa achâ chhôh zydua liata baona avaw pietuhpazy chô liata alyna bie ama reih hmeiseih. Tawhtala, thokha baona apietuhpazy ahawna hawhta ama moh nata baona ama piepa zie palâsa leipa chhao a y hra.
3). Taffargam khih liata missionary Quarter: Taffargam he thotlâh khih achâpa vâta o tlô awpa y thai leipa ta, quarter he 14 June 2019 pa tawhta sa pathao pa a châ hra. Atahmâ duasu liata Missionary HC. Labiaksanga nata chhôhkhazy he Khoraliang liata chyhsa o tlôpa ta ama y chy. Khoraliang nata Tafgargam likah he Km. 9 râhchhôh ahlapa a châ.
He quarter sa n’awpa kyh liana heta, zahkô Shalom Local church Assembly kha ta Budget liata Phusa1,00,000 (one lakh) a taopa ei. Tawhtala, New Colony Pastor bia tawhta ama râzoh pakhypi thyuna tawhta Rs. 40,000 baona ama pie ei. ECM Assembly nata New colney pastor bia zy chô liata Zisu krista moh ta alynabie ama reih hmeiseih.
- MISING MISSION:
1). Dt. 9.6.2019 pa liata Rev. L. Lychhua, Field Director ta Bahguri lia Janumoni 15 yrs cha bâti a pachâsa. A chhôhkha nahzy chhao kri vaw zy awpa kho kaw taraw ei ta, khitlâh zy riah ama chipa vâta a nô nata paw zy cha bâti vaw châ vei ei.
2). Amôbyu KNP-zy ta Betsy quarter repair n’awpa ta phusâ ama vaw donate-pa ta quarter he tao patlô hapa a châ.
3). 19.6.2019 tawta Holy Grace School-zy cha half yearly examination hneipa a châ aw. Pasana nata rairuna nano nanopa tawhta student- zy amâ boh thei n’awpa ta thlahchhâkhei suh vy.
- MARALAND GOSPEL CENTENARY HOSPITAL:
Târi 6 June –14 June, 2019 chhôh report.
1). Tlâhleipa mosapa zie – 65
2). Tlâhleipa admit zie – 35
3). Ultasound mopa zie – 63
4). X-Ray – 22
5). ECG mopa zie – 5
6). Endoscopy mopa zie – 28
7). Hawsaih pihpa zie -nil
8). Athipa – nil
9). Emergency Case –
10) Operation hneipa zie – nil
(Published by J. Lalvarliani on behalf of Communication Department, ECM Assembly. Edited by Admin, MNN.)