SIAHA, 26 Khihpa, 2019, Chutynoh – Atanoh 10:30 Am tawhta noh 2 chhôh ô awpah Mara Autonomous District Council Budget/Monsoon Session cha pathaopa a châ.
Puhpa H. Sahlo, Chairman cha sapa chiehleina vâta Session ahlao thei lei ta, Puhpa K. Pawhnie, Deputy Chairman ta he Session he a siekhei.
Târi 23 May, 2019 liata Puhpa KL. Bana, Tôkalô biatuhpa cha vâduapa ta a thi hapa vâta he noh liata taokheina hneipa châ ta, Puhpa K. Siakhai, Puhpa T. Seido nata Puhpa N. Zakhai zy ta taokheina biereina ama hnei.
Atanoh liata Budget he discussion hneipa châ lei ta, târi 29, Hriatuanoh ta reipahmaohna hneipa a châ aw.
He Session liata Opposition Party (MNF) zy cha Sawhkhâna taopa liata palôhtlâh leina ama hnei vâta Session he a hlao vei ei.
Târi 27 nata 28 zy he Pachynoh nata Khazoh noh a châ vâta apahâpa châ aw ta, târi 29, Hriatunoh liata hnei pazaopa a châ aw.
He Monsoon Session he NSV, Local Cable TV siepahliepa ta Live Telecast piepapuapa a châ.
PRESS RELEASE
No. 26/2019
Issued by:
Information & Publicity Officer
Mara Autonomous District Council
Siaha