SIAHA, 27 Khihpa, 2019, Pachynoh – Atanoh dawh 1:00 Pm liata ECM KTP HQ Pakhypi 2019 Ryureina biepathlupa hawh ta ECM KTP Branches: Inter Branch Bible Quiz Competition hnei awpa kyh reih awpa ta Board member châta raopazy ta Meeting ama hnei.
Meeting he ECM KTP
HQ Secretary Office room liata hneipa châ ta, Puhpa Lalneihkima, Fin. Secretary, ECM KTP HQ ta Chairman châpa ta a chhihtha.
Meeting liata bie pathlu peimawh viapazy:-
- Budget Estimate Rs.2,20,000/- taopa a châ.
- Rules & Guidelines taopa cha principle ta apyhpa a châ.
- Lymâ, ary liata palâsapazy he tao awpa ta apyhpa a châ.
(i). 1st Prize – ₹.30,000/- plus Trophy & Citation.
(ii). 2nd Prize – ₹.20,000/- plus Trophy & Citation.
(iii). 3rd Prize – ₹.10,000/- plus Trophy & Citation.
- Branch sâ 10 azy hnoh ta Consolation Prize piepa ama châ aw.
- Competition he 1st or 2nd Week November, 2019 liata hnei awpa ta saduthliepa a châ.
- Local Cable siepahliepa ta Live Telecast piepapua awpa ta hmah la awpa.
- Branch sâ 1 tawhta manôh pa 3 chyu Competition liata ahlao pasaipa a châ aw.
- Atao pasua awpa Topic zy:-
(i). Lyuhchâpa Pawla châpaphaopa(Bu 13) zydua.
(ii). ECM KTP History
(iii). Mara Gospel Hla (Audio & Video)
(Circular avaw pua tita asia viapa ta â pahnosapa a châ aw.)
He Meeting liata ECM KTP HQ tawhta Puhpa Lungmuana Hrahu, President nata Rev. Joseph Koma Chozah, Secretary zy amâ hlao thei hra.
Meeting bâ tawhta South Gate Restaurant liata Puhpa Lalneihkima, Fin. Secy. ECM KTP HQ ta zâpati â chhuahnohpa cha dôhpa châ ta, Board members nata ECM KTP HQ nôpawpazy ta Puhpa Lalneihkima chô liata alynabie ama reih.
ECM KTP HQ ta zâhkô kha ta Bible Quiz Competition vaw pachhuahpanoh ha ta, athôhkheina thata a y vâta atakô liata he hawh ta pachhuahpanoh heih awhpa ta ECM KTP Tipa Pakhypi Ryurein ta avaw pathlupa a châ.
Written by:
Beirokhu Beita
Member
Inter Branch Bible Quiz Competition 2019
ECM KTP HQ: Siaha