DELHI, 1 Thlazoh, Pobienoh (MNN) – Zâhnia târi noh 31/7/19 liana khata Puhpa Dr. K. Beichhua Minister cha sawhkhâ hmo peimawhpa zy adao awpa ta Delhi za tlô ta. Minister a châ tawhta Delhi eikha aza tlyna a châpa vâta MSO Joint Headquarters: Delhi Office Bearers zy ta atlôna su Mizoram House, Chanakya Puri liata ama kei dy hra.
He daihti liana heta MSO chhithatuhpa nahzy ta Dr. K. Beichhua apakyna daihti pha kawpa hnei thei pita. MSO Joint HQ: Delhi zy ta varopi eima vaw buakhei hapa Delhi Mara Hostel nata International Mara Fest/ Mara Meet chôchâh zy rei kheipa châta, abyuh nata angiana dâh hawhta hmah maniah a la khei awpa zie miah a chho.
Delhi Mara Hostel chôchâh chhochhi cha tahmâ ta sawhkhâ adaoh awpa ta azu na liana heta ama Project hry liata miah pahlaopa eita. Delhi liata Marasaw a ypa zy ta rairuna eima tyh pazy miah pahno khei thai kaw ta. A chatliena lâta Hostel eima hnei thei cheingei n’awpa ta hmah maniah lapa lymâ awpa zie miah chho ta achô lâ liata MSO Joint HQ: Delhi mohta alyna bie eima rei hmeiseih.
Source:
General Secretary
MSO Joint HQ. Delhi