SIAHA, 6 Thlazoh, 2019, Hriaheinoh (MNN) – Zâhnia târi noh 05.08.2019 (Hriatuanoh) khata Govt. Saiha College, Siaha cha Principal thiehpa ta charge ala hapa vâta ano alykhei n’awpa ta MSO Gen. HQ chhithatuhpazy ta Principal he a office liata amâ pakyh.
He daihti liana heta Govt. Saiha College ta Teaching nata Non-Teaching Staff liata amâ khileinazy chhao reipahmaohpa châ ta, RUSA ry liata Sôh kaw tlôpazy ado kawpa ta hmâpa a châ lymâ thei n’awpa ta hmahla pazi awpa ta Principal he amâ haw hra.
MSO cha Mararâh liata Py laipa a châna hawhta abyuhna lia maihta aw theipa ama châ zie principal he chho ei ta, he khai tawhta RUSA ry liata College Library sa ngâhaipa cha mopadopa châ ta, ama balu hmâpa quality a pha lei vâta, a hropa ta thla awpa ta a mohôhtuhpazy ama chho pâ hra.
Govt. Saiha College he atahmâ duahmo liata students 400 hlei hnei ei ta, Science stream deikua a bieta y awpa ta paryhsapa châ ha hrasala, a hmeiseihpa ta hlaotlohna deikua hmô awpa y mâh vei.
(Source: Achuhaipazy Opi)