SIAHA, 15 Thlazoh, 2019, Pobienoh – Atanoh dawh 1:00 Pm liata Puhpa N. Zakhai, CEM, MADC ta India ta khotalaina a hmôna ei 73-na noh liata O lâ liata AT HOME tahpa Programme taopa ta alyna a hnei.
He liata VIPs nata Siaha liata Head of Department zydua hleikhô ta MADC liata Group B Officer tawhta a chô lâ Grade zydua hrua ta, Ex-MDCs, Siaha liata NGO Leader zydua nata political party leader zydua chhao a hrua hra.
AT HOME Programme he CEM’s Bungalow, Siaha liata ahmâpa châ ta, Puhpa K. Beichhua, Minister, Mizoram chhao hruapa a châna hawh ta a hlao thei ta, Siaha DC, SP nata Major (Assam Riffles) zy chhao amâ hlao thei hra.
Siaha liata Mizoram sawhkhâ ry liata Head of Department zy nata MADC ry liata Officer zy chhao puapha kaw ei ta, kô hro lâtahpa hlâta ama puapha viapa ta pahnopa a châ.
He Indian 73rd Indian Independence Day AT HOME alyna he dawh 2:00 Pm ta paipa châ ta, a hruanazy pachâ peimawhpa ta AT HOME Programme avaw hlaopa zydua Puhpa N. Zakhai, CEM, MADC ta alynabie a reih.
Written by:
Beirokhu Beita
Information & Publicity Officer
Mara Autonomous District Council
Siaha