SAIKAO, 19 Thlazoh, Pachynoh (MNN) – Atanoh kha Maraland.net founder Satlia Beirôkhu Beitâ ta eima Missionary Pihnô Vaili tly awpa ta, a chhôhkhazy chhao ta sie ta, he liata MEC KNP, Australia zy ta Pihnô Vaili anaohna châta sôh ama vaw paphaopa ₹.25,000/- cha hlâna a hnei pâ.
MEC KNP, Australia zy he ta eima Missionary tlâh leipa ama vaw pahno tawhta thlahchhâkheipa hleikhô ta ama theina rakha hawh ta sôhthih lâ chhao deichhyna rai ama vaw hria lymâpa a châ.
Satlia Beirôkhu he a Nô nata Paw hleikhô ta a sietanô pa 2 zy chhao ta Pihnô Vaili tly awpa nata eima Missionary nah thlâsu liata thlahchhâ awpa ta Saikao lâ he a siepa a châ.
Pihnô Vaili ta MEC KNP, Australia zy châta sapa nata thlahpa liata byhnâ ama to via lymâ theina awpa nata Khazohpa chakaona liata thazei leipa ta keih ama chakâ ama pazao lymâ theina awpa ta thlahchhâna a hneipa ei.
(Admin, MNN)