SIAHA, 18 Thlazoh, 2019, Khazoh noh – Ary liata palâsapazy he târi 11-17 Thlazoh, 2019 chhôh ta ECM Headquarters – Genenal nata Mission thâtih lapakhypazy a châ:-
MODERATOR:
Târi 18 August, 2019, atanoh my Service pakhyna liata Rev. C. Beima, Moderator cha New Colony Local Church liata chakaona hnei ta, ECM Assembly Choir-zy ta Hlapy chakaona hneipa ta ama deichhy.
SENIOR EXECUTIVE SECRETARY:
Rev. Dr. Laiu Fachhai, SES cha târi 13 August, 2019 khata Bangalore nata Pune liatazy Senate Board Meeting a hnei khai tawh ta Siaha a kaw tlô haw. Târi 18 August, 2019 (Abeipanoh), atanoh he Tipa Salem liata chakaona a hnei.
EXECUTIVE SECRETARY i/c EDU.:
Rev. Dr. S.T. Zawsi, Executive Secretary i/c Education cha târi 18 August, 2019 (Abeipanoh) zâ liata Bethany Local Church liata bierei chakaona a hnei.
KTP HEADQUARTERS NEWS:
1). ECM KTP HQ
Quarterly Magazine Ambassador (May-Aug 2019) cha avaw pua thei ha heih.
2). Agape home baona châta Rs. 10,000/- ECM KTP Pakhypi ei 63rd na biepathlupa hawh ta hlâ hapa a châ.
3). ECM KTP Pakhypi ei 63rd biepathlupa hawhta Secretary Office liata hmâ awpa Photocopy(Xerox) Machine laipa Rs. 45,000 (Cannon-2206) ta châlei theipa a châ ha hra.
4). Maraland Theological College(MTC) Library liata châbu sona awpa chi ei-hrâhpa ta taopa Almira sâ 5 (Rs. 54,000) chaleipa ta MTC su liata so ha hrapa a châ.
5). Branch zy statistic (KHP & KTP), Activities, Disable, missionary sponsor report 2019 HQ. lia â vaw ngia lymâ. Branch hluh via vaw pangia mâh leipa eita, vaw pangia lymâ awpa ta eimâ pahnosa hra.
6). ECM Assembly ryhraona nata biepathlupa zie hawhta bie heihpa a y hla via châ ECM KTP Branch & HQ. chhihtuhpa term cha kô-3 (2019-2022) a châ bâ aw.
7). HQ. Chhituhpa zy ta ECM KTP Siaha Town Branch tlyna July-Aug 2019 chhôta apalâ kawpa ta Town Branch zy tly papuana ama hnei thei hra.
8). Inter branch Quiz Competition cha November thlâpâ 1 & 2 week liata LIVE Telecast ta hnei achhuahpa a châ. Apahnosana branch zy lâta circular Papua khai hapa a châ. Form pangiana daihti he October thla chhôh a châ aw.
9). ECM KTP HQ. sôh duasu:
Overall Total Income & Expenditure
Total Income = 7,08,537
(Target + Sale proceed, Donation etc etc)
Total Expenditure = 2,22,340
Balance = Rs. 4,86,197
KTP Branch Target atloh (apie) hapa = 42
KTP Branch Target atloh mâh leipa = 3
KTP Branch Target apie mâh leipa = 45
KTP Branch Target akhôpa = 6
Spl. Package apiepa branch = 20
Spl. Package apie mâh leipa = 67
ECM KHP Target pie (atloh) pa = 46
ECM KHP Target pie mâh leipa = 41
TIWA MISSION:
MAHILA zyta Thlahchhâna programme ama hmâh:
Târi 15 Aug 2019 noh liana khata Pachim nagaon Local Church Mahila department zy cha nohkha chhôh kâhvileipa ta Thlahchhâna Programme Achhyna O su liata hmâpa châ ta. Pihnô K. Minary chhithapa ta programme he hmâpa a châ.
2). Thlahchhàkhei awpa ta ahawna:
(i) Tiwa Mission field liata Native Pastor nata Native Evangelist nah zydua châ ta. Abeipa ta hnatlâna phapa pie ei sa la. Ama chakaonazy ama pazao lymâ thei n’awpa ta.
(ii) Tiwa Mission field liata hriatuhpa Missionary nah zydua châ ta. Ama chakaona liata Abeipa tawhta thatlôna thiehpazy ama to via lyma thei n’awpa ta.
(iii) New Life High School liata hriatuhpa nata Student nah zydua chà ta.
ODISHA MISSION:
1). Kandhamal Area:
Târi 13 August noh ta Missionary zy nata Local Evangelist na Abeipa lâta ahlâ pathiehna thlahchhâ paraohna, Pastor Beirôna Hlôvy quarter liata hneipa châ ta, he daihti ahmâna liata missionary-zy, Local Evangelist-nahzy chakaona awhpa suh nata ama pakaoh lâh awhpazy rao pahpa a châ.
(i) Beirôna Hlôvy nata Kailash Digal apakaohpa ta Bereshit church, Karnetpur Awnanopa ama mohôh aw..
(ii) Evan. S. Lalduhawma nata Tangila Digal apakaohpa ta Bailmaha house church ama mohôh aw. (Mr. Tangila Digal he Pastor Beirôna Hlôvy nah nôvah ta thla kha ta Rs. 2,000 ta ama chyh haipa a châ).
(iii) Evan. K. Maduati nata Mishra Digal apakaopa ta Sunapanga House Church ama mohôh aw. Ama mohôna khih nata achheipâh liata thâtihpha chhona raih ama hria pa lymâ aw.
2). Târi 14 August, 2019 khata missionary zy nata local evangelist zy Bailmaha khih liata member na zy tlypa ta, atlâh leipa nata rairuna ahneipa zy thlachhâna nata Khazohpa bie chhona ama hnei.
3). Atanoh târi 18 August he ta Pastor Beirôna Hlôvy ta Sunapanga house church liata Khazohpa bietana nata Abeipa tlakhai pathaipa Sacrament a pachhuahpanoh.
4). Laihsa Ranima Digal cha apôpa zydua hleikhô ta, apakah chhôh zydua chicken pox pasana vâta pabôh khai hata, aziapha theileipa ta, pati chhao nie theih vei. Abeipa tawhta hnatlâna avaw hmô theih n’awhpa ta thla rie chhâkhei suh vy.
5). Sambalpur Area: Atahmâhlâ he Sambalpur tawhta Km 20 ahlapa, Orangpada liata Bâti a cha awpa nawh tlyna hneipa ta Pastor S. Lamo nata Local Evangelist Mihir Dip zy cha bia zy chahryhpa ta daihti ama hmâh haino a châ. Abeipa ta âryh atah khiahta cha Bâti chânazy pachu tuapa châ khai tawhta August thlâpâ liata manôh 12 bâti pachâsa awpa ta apahawhpa a châ. Ama pahawhpa hawhta adaihti ta liata he mo 12 penawhzy ta bâti ama vaw châ khai thei n’awpa ta thlahchhâ maniah bao chyu awpa ta eimâ châ haw ei.
MISING MISSION:
1). Târi 10 August, 2019 liata Immanuel Bahguri Mahila (Nô py) zy ta fasting prayer ama hnei. Daihti pha kawpa ama hnei theipa vâta Abeipa liata amâ ly kaw..
2). Târi 12 nata 15 August, 2019-pa ta Immanuel Youth zy ta sôh tlua n’awpa ta blanket pasu nata a hlawhfa-na ama hnei. Member chhao ama pua pha kaw.
3). Thlahchhâkhei awpa ta ahawna:
(a) Sheela Taye of Demaji nata Maina Doley of Koliya zy tla na ama vaw to thei n’awpa ta.
(b) Holy Grace School hawtinahzy ta achuna ama papeimawhsa thei n’awpa nata, sponsored student zy ta tiama ama papua via lymâ thei n’awpa ta.
THÂTIH LAPAKHYPA:
J. Chhualy eimâ chhaih: Târi 14 August, 2019 (Pakhynoh) khata Puhpa J.Chhualy, Driver, ECM Assembly cha Aizawl City Hospital liata Hepatitis nata Scrub Tyhphus pasana vâta maniah â pahâsai haw. Târi 15 August (Pohbiehnoh) liata Meisavaih a pahrâna o liata pabuna programme a hmâpa a châ. Puhpa J. Chhualy he kô 47-pa châ ta, a lahpinô nata saw 4 zy – chapaw 2 nata chanô 2 nata samohpa 1 a siesai ei. ECM Staff Welfare ta a siesaipa chhôhkhazy a taokhei hmâihseih. Awnanozy a siesaipa lahpinô, sawzy châta thlahchhâkhei lymâ suh vy.
(i) Mission Planning Board Meeting:
Târi 21 August, 2019 (Pakhynoh) 11:00 Am heta Mission Planning Board Meeting, Lorrain Hall, ECM Assembly Office liata hneipa a châ aw.
(ii) Corrigendum:
Târi 29 July, 2019 noh ta Mission Department tawhta châ apuapa liata Missionary Sponsorship Campaign hnei awpa daihti liata 18/25 August, 2019 tahpa châ ta, 18/25 August, 2019 tahpa ta châ papua tlamawpa châ ta, he he August 18 tlyma, 25 tlyma tah awpa tlao a châ. Taochhei tla mawna kyh liata Local Church-zy nama pachâ thaina eima châ haw (ES, Mission).
MARALAND GOSPEL CENTENARY HOSPITAL:-
Târi 8 August –15 August, 2019 chhôh report.
1). Tlâhleipa mopa zie – 71
2). Tlâhleipa admit zie – 14
3). Ultasound mopa zie – 34
4). X-Ray – 14
5). ECG mopa zie – 7
6). Endoscopy mopa zie – 17
7). Hawsaih pihpa zie – nil
8). Athipa – nil
9). Emergency Case – 6
10) Operation hneipa zie – nil
(Published by J. Lalvarliani, Coordinator i/c Communication, ECM Assembly. Edited by Admin, MNN)