ECM Headquarters – General & Mission News

SIAHA, 25 Thlazoh, 2019, Abeipanoh – Ary liata palâsapazy he târi 18-24 Thlazoh, 2019 chhôh ta Evangelical Church of Maraland Headquarters, General & Mission thâtih lapakhypazy a châ.

1. MODERATOR:

Târi 25 August, 2019 (Abeipanoh) my liata Moderator ta Siaha Vaihpi tly aw ta, ECM Assembly Choir zy ta ama deichhy aw. Târi 30 August, (Chutyhnoh) heta Châkheitlâh liata Achhyna O Hall pahyna programme a hmâh aw. Moderator chakaona châta thlahchhâkhei suh vy.

1. EXECUTIVE SECRETARY (EDU):

Rev. Dr. S.T.Zawsi, ES (Edu) cha târi 25 August, 2019 (Abeipanoh) ta Amôbyuh ‘B’ liata chakaona hnei awpa ta târi 24 August (Pachyhnoh) khata Siaha puasaipa ta Amôbyuh lâ a sie.

1. MISING MISSION.

1). Târi 22.8.2019-pa ta Masgaon liata Rev. L.Lychhua ta manoh pano(2) bati apa chasa ei. Bati acha thiepazy ta thlapa liata ama laisei via lyma theinawpa nata ngiapana liata a i kawpa ama y lymâ thei nawpata nama thlahchhâna amâ ngiah ngaita.

2). Târi 25.8.2019 liata Immanuel, bahguri Mahila(Nò Py) zyta Machapori Awnanopa tly awpa ama pato patia ngâhai. Programme pha kawpa hnei thei awpata khokheina MEM ta ama hlâ.

3). Koliya liata krizyhpa Maina Doley 8yrs, kidney problem vata dibrugarh thôna o liata a mohôh ngâpa châta thlahchhâ kheina maniah amâ haw.

1. TIWA MISSION:

1) Mahila Aduana Ei 1-na: Târi noh 18 August, 2018 khata Morigaon Fellowship liata MAHILA Department he avaw duah ta. MAHILA âvaw dua tawhta akô kha tlohna program cha târi 18 Aug 2019 liana khata hmâpa a châ. He Programme liana heta Rev. Khabi Chozah, Field Director nata chhôhkhazy ta programme ama hmâ khei. Kyhchhina ta hmâpa châta. Aly thapha kawpa ta programme hmâpa achâ. MAHILA Department he thatlô kawpa ta ama sie lyma thei nawpa ta Awnanopazy thlahchhâkhei ei suh u.

2) Tlypahlaona : Târi noh 18 Aug 2019 noh liana khata Pachimnagaon MAHILA zy ta Amdubighat Local Church tly pahlao eita. He tlypahlaona programme liana heta Missionary nata Native Pastor thokhazy chhaota amà hlao hra. Aly thapha kawpa ta tlypahlaona programme hmâpa achâ.

3). NECTAR Training: Awnanopazy Thlahchhâ kheina nata Khazohpa chhithana vâta ECM Missionary manôh 3 zy cha târi noh 30 Aug 2019 (Friday) liata Graduation Day program hmâh awpa châ eita. Târi 31 Aug 2019 pata NECTAR Su puasai pata ama yna Mission field ama pangai chyu aw. Adaihti ta liata training patlô ei sala ama yna Mission su ama pangai chyu thei nawpata thlahchhâkhei ei suh u.

1. ODISHA FIELD REPORT:

(1). Kandhamal Area:

(i). Târi 20th August 2019 khata missionary nah zy nata Local evangelist na zy Thlahchhâ paraona hnei heipa a cha. Thopi nata ahmie chhaota daihti pha ngâsâ pa hmâpa châ ta. He liata pasyuna bie Pastor Beirôna Hlôvy ta reina hneita, Local evangelist nahzy ta hâta ei 1 chhôh ama chakaona report piena nata short sharing reina ama hnei chyu hra.

(ii). Thla 1 liata sunday hnôh chaipa he Local evangelist nah zyta ama mohôh leipa, house church hropa lata biereina(rotation ta) ama hnei tyh aw. Achhâpa zy:

(a) Ama yna ualua lia saita ama ykhiahta cha hmialâ daihti liata khei hawhpa buabânazy vaw ysala, ‘keima saita ei mohôhpa’ tahpa palôrupazy ama phao lei nawpata.

(b) ECM Missionary ry liata Local evangelist ama chana hawta ama Awnanopa/house church ahropa chhao amo eih hawhta ama pacha theih n’awpata.

(c) Amo liata thathyuna ama hnei via lyma theih n’awpazy pachapa vata a châ. Thlah rie chhâkhei ei suh u.

(iii). Evan. S. Lalduhawma nata Tangila digal mohôh haipa House church liata zawpi atyuna hmophaw (mats), Bible zy sôh tawjta Sacrament pachhuah panohna châta, Dawkâh zy ama peimawh kaw nota Puhpa Kulumani Digal ta dawkâh avaw chaleipa (donate) ta, Zawpi atyuna châta Puhpa Sikara Digal ta silpouline avaw chalei (donate) heih hra ta ama chô lâ liata hriatuhpazy amâ ly ngaita. Abeipa la liata Puhpa Kulumani nata Puhpa Sikara Digal chhôhkhazy chata thla rie chhakhei suh vy.

(iv). Dt 21st August 2019 noh ta Missionary nazy, local evangelist Tangila nata house church member nah zyta Baulmaha house church liata tlaraih hria eita, banner tawnazy ama hnei. Ama raihria khai tawhta atlâleipa nata Awnanopa châta apua thei penawh zydua ta Thlahchhâ paraohna ama hnei pâ hra. Zâlâ ta Sunapanga house church liata Banner tawhna tlâhrai buakhata hnei heihpa a châ.

(v). Atahmâhlâ kandhamal district lâ liata awnanopa member nah kheihlu nata chicken pox ta pasapa ama hlu ngâsâ. Abeipa tawhta hnatlâna ama vaw hnei theih n’awpata thlah rie chhâkhei suhvy.

(2). Sambalpur Area:

(i). Târi 16.8.2019 khata Local Evangelist Mihir Dip chhihthana ry liata Christian para, Hirakud liata kavilei Thlahchhâna hneipa a châ. Member 13 ama pua thei.

(ii). Târi 21/8/2019 zâ khata Local Evangelist nata Mr. Vijay zy chhao ta eima Awnanopa sahlao O kiapah liata a y pa Hindu nahzy hruapa ta a pakyhna phakawpa hneipa a châ.

1. TAOKHEINA PROGRAMME:

Târi 23 August 2019 kha ta ECM Assembly Staff Welfare zy ta Puhpa J. Chhualy (L), târi 14 August ta tlyzaw râh lâ maniah siesai hapa, taokheina Programme, Machâ J. Sialua O, Meisavaih liata hneipa châ ta, zahna palâsana hnôhchaipa a châna hawhta Church Officer-zy nata Staff-zy ahlao paki kaw ei ta, Atheitlâhna hmopiepa hlâpa châ ta, Pu. J. Chhualy (L) chhôhkha zy heta zâlâ pati nie awpa ama pachhuapanoh pâ hra.

1. SOLFA TRAINING HNEIKHEI:

Kmc. RC. Beilaizi Bôhia, Music Coordinator, ECM Assembly cha târi 19 – 25 Aug, 2019 taihta Amôbyuh ‘V’ lia Solfa training hneikhei ta, ama thôkhei kawpa ta bie daopa a châ.

1. DORCAS MAGAZINE:

CM KNP Magazine Dorcas’ April – July, 2019 cha papua hapa châ ta, KNP Branch to ta KNP Secy, Headuarters Office liata a pado thei tahpa a pahnosa pi ta. Siaha khôtho lâta vaw sie raopaopa na chhaota nama Branch eih chyu pado awpa ta eima haw pâ hra.

1. ECM HQ OFFICE SA PATHAOPA A CHÂ:

ECM Headquarters (HQ) Office cha tahmâno heta sa pathaopa châ ta, Conference Hall maluh 400/500 tlô thei awpah nata ‘Siaha Conference Center’ châ thei awpa ta saduthliepa (envision) a châ. Tahmâ he a tôh khaoh chao ngâh haipa châ ta, kô 3 chhôhta sa khai thei awpa ta hnabeiseihpa nata hmahlapa a châ.

1. MGC HOSPITAL RÂH PIE:

Siaha Bazar Area (Sobji Bazar parohpa) cha sawhkhâ ta Maraland Gospel Centenary Hospital sa n’awpa ta ECM Assembly hnohta pie ta. Hospital asosâh kawpa sa n’awpa châta hma lapa châ ta, Sawhkhâ hotuhpazy chô liata Assembly nôpawpazy nata Church Officer-zy ta Khazohpa mohta alyna bie ama hlâ hmeiseih.

1. EVAN. F. NGURCHHINGA (L) RÂH AWNANOPA LÂ HLÂ:

Evan. F. Ngurchhinga (L) chata Khaozohpa chakaona châta Meisatlâh liata a râh ft. 50’X30’ cha ECM Assembly ku liata hlâ ta. Evan F. Ngurchhinga pahnothlâhna châta nata Khazohpa chakaona châta ECM Assemly chata Project a siekhei ngâh kaw hra.

1. MARALAND GOSPEL CENTENARY HOSPITAL:

Târi 15–22 August, 2019 chhôh report.

1). Tlâhleipa âpamosapa zie – 56
2). Tlâhleipa admit zie – 35
3). Ultrasound mopa zie – 31
4). X-Ray – 22
5). ECG mopa zie – 11
6). Endoscopy mopa zie – 13
7). Hawsaih pihpa zie -2
8). Athipa – nil
9). Emergency Case – 13
10) Operation hneipa zie –2

(Published by J. Lalvarliani on behalf of Communication Department, ECM Assembly. Edited by Admin, MNN)