SIAHA, Wednesday, September 04, 2019: Atanoh September 04, 2019 dawh 2:00 PM pa khata Farmers’ Training Centre, MADC Main Building kiapâh liatapa Rs.80.00 Lakhs ta sapa cha Puhpa N. Zakhai, CEM, MADC ta a pahy. He pahyna programme liata Devotion hneituhpa nata Khazohpa lâ liata hlâna thlahchhâna cha Rev. C. Beima, Moderator, ECM Hqrs ta a hnei.
CEM N. Zakhai biereipa tlâhpipazy:
“He hawhpa Farmers’ Training Centre eima vaw hnei thei thlähpa he aly âchhih hmeiseih ta, Khazohpa ngiachhiena vâ chyu chyuhta ta a hnei theipa eima châ” a tah. Puhpa KH. Beihlo, EM (Agri & Horti) nata Puhpa K. Chhihrau, Sr. AO, Head of department (Agri & Horti), MADC nata ama hrialâhpa Officers nata Staff zydua hriapasana vâta he hawhpa a hnei theipa châ pi ta ama chô liata ei ly hmeiseih a tah. He Training Centre he Farmers zy ta ama thôhkhei cheingei nahta ei hnabei a seih a tah.
He Farmers’ Training Centre pahyna lia heta EMs, MADC Officers, Staff zy nata Media persons zy chhao amâ vaw hlao hra.
Puhpa KH.Beihlo, EM (Agri & Horti), MADC chhaota biereina chyupa hnei hra ta, he hawhta a reih “Kei he chyhsa ta Politician mo ta na moh ei ta, châhrasala, kei ta la Farmer hawhta apachâ na ta, Farmer palôhrupa na ei phaoh e” tahpa ta zawpi avypazy Mara sawzy pi hriapasa ta tiama papua via lymâ awpah ta miah a pasyu. He building he Farmers zy ta ama hmâhphahnai cheingei nahta a pangiasa hra.
Technical Report he Puhpa K.Chhihrau, Head of department (Agri & Horti), MADC ta pie ta, he Farmers’ Training Centre he sanctioned amount Rs.80.00 Lakhs a châzie chhao a reih pâ hra. A building pa he RRC Type four (4) Storeys a châzie chhao a reih pâ heih hra.
PRESS RELEASE No.31/2019 of 4th September, 2019
Issued by:
Information & Publicity Officer
Mara Autonomous District Council
Siaha