SIAHA, Thursday, September 05, 2019 – Atanoh Teachers’ Day ei 58th daihti liata Puhpa K. Chhuabei, EM (PWD) MADC cha Government Siaha College liata khichhai laipa (Chief Guest) châ ta hruapa a châna hawh. ta daihti a hmâkhei ei.
Puhpa K.Chhuabei, EM (PWD) MADC khichhai laipa (Chief Guest) biereipazy:
“Padma Shri Award daotuhpa Puhpa A. Zakia he Teachers’ Day nohta miah a pahâsaipa he pei tah kaw na ta, a chhôhkhazy taokhei kaw ei na ta, kei chhao ei tao kaw hra a tah. Puhpa A. Zakia hawhta tiama papua ta, Padma Shri Award dao thei achhuah chyu sih la, achhuahna hnei ta, eima tiama khiahta cha, hlaotlohna a y cheingei aw,” a tah.
He Siaha College lia heta kei chhao P.U.C. ei vaw patlô ha hra a tah. He Siaha College taw heta MCS, Officers, Pastors, Politicians, Doctors, etc apuapa a ma y ha na a tah. Atahmâ ta student nahzy chi he tiama kawpa ta nata palôh hnei kawpa ta namâ kaw chu lymâ khiahta cha MCS, Officer, Pastor, Politician, or Doctor nama kaw châ thei khai hra a tah.
He College liata a hriapa Principal, Lectururer, Professor, etc zy tiama kaw ei chi ta,
châ ly kaw ei na ta he College liata akiahpa students zy ta nama za kaw awpah a byuh a tah.
Sôh nata thih rairuna vâta su â hla lâ College zy a khiah thei leipa châta Khazohpa ta he Siaha khihpi liata College phapa miah a piepa he aly â chhih hmeiseih a tah.
Siaha College Principal Dr. Abdul Hannan Barbuiya chhaota biereina hnei ta. Primary ei kia no tawhta atahmâ ta Principal na pachâsa theituhpa cha ei Teacher nahzy khana ama châ e a tah. Ei Teachers nahzy kha za kaw ei na ta, ama chô lia alynabie ei reih hra a tah. Pachutuhpa phapa (Good Teacher) cha Siku hawhti (Students) hlâta amâ chu (study) hluh viana a tah.
PRESS RELEASE No.32/2019 of 5 September, 2019
Issued by:
Information & Publicity Officer
Mara Autonomous District Council
Siaha