SIAHA, 26th Sepetember, 2019 – MCHP (Mara Chanô Py) Gen. HQ ta zâkhahnia eima chanôheihpa chô liata hmo rarô-y kawpa, Mararâh liata tlô beih leipa nata Nah chhaota eima thei beih leipa chô liata hmo tlôpa kyh liata ano â tyhtuhpa nata ama chhôkhazy paryhsa hawh tlaita Press release he eima vaw papua.
Chyhsa pasichhih kawpa, Khazopa taopa chyhsapa palôhru chhao phaoh leipa nahta sahroh palôh chhao a kho aw vei tah thei awpa, LALHMINGTHANGA of TIALDAWNGILUNG, LAWNGTLAI DISTRICT, LADC ry liata Forest Guard rai hria haipa Puhpa Thatchia (L) sawchapaw cha ano ngâpa nata thlah apalôhpa ta Lawngtlai tawhta Siaha pangai awpa ta ano hnohta vaw siepa eima sawchanô/narônô/chanôheihpa cha achhuana hneipa tlaita Sahma nata Thohna hmâpa ta achhiparupa ta â theihlô lei ngâna taihta a sopa hleikhôta thluahruapa nahta maohphayudâhlâh kawpa ta Video tlaita a nothla lapa ta mohropa hmô thei awpa ta a hiezawhpa a châ.
Cha dei â daih tah leipa ta Siaha khih tlô chy zâ zoh kawpa chhao pachâ leipa ta eima chanôheihpa, eima narônô cha uasa leipa ta Ithiruapa hawhta á râsai.
He eima sawchanô, narô liata hmo tlôpa he MCHP Hqrs ta eima pahnopatawh nahta Emergency thlai awh parapa ta he hawhta maohphyuna â tyhtuhpa nô nata chhôkhazy ahmôpa ta pyury hnei leipa nata â lâ leipa ta thlaita hmah lapzipa a châ.
Judicial nata Police hleikhôta eima Biatuhpa MLA lâ thlaita report pa châ ta, Lalhmingthanga he thlai ta patupa awpa ta adaohpa châ ta,âmo chhaota eimâ hawnazy pachâ peimawhpa ta thlai ta maniah ama patupa hapa vâta Siaha Police Department hnoh chhaota eimâ ly hmeiseih.
Palôh pasa kawpa nata nôpo kawpa ta MCHP Hqrs chhithatuhpazy ta eima pangai nota thlah miah palôhtuhpa CMJ Siaha nata kyh totie liata maniah buakheituhpa Level Centre for Women (MSK) nahta One Stop Centre (OSC) staff zy hnoh chhaota MCHP(H) ta eimâ ly ngaita kaw.
Eima Chanôheihpa liata hmo tlôpa he MCHP nahta a hrialâhpa LWA Sub-Hqrs nata MHIP,Sub-Hqrs, Siaha member zy chhaota a môzia thei khao leipa ta palôh pasa kawpa ta eimâ rôhkhei. Victim chhôkhazy nahta achhohia lymapa châ ta, anodeikua eima theina nata thaina hawhta sawchanô/narônô châ heta hmah eima la lymâ.
Anodeikua, Social Media siepahleipa ta Video clip nata thatih â hiezawh tahpa eima vaw pahno heih nahta a samaih nota pyury hneileipa ta a ru lâta hmah eima vaw lana chhâ chaipa (reason) zydua kha yzie hneileipa hawhta eima vaw pahno.
Chavata, kha Video clip pasichhihpa nata ngaita kawpararô-y kawpa kha pasopa/â vaopa eima y pathlei khiah delete khai awpa ta MCHP(H) ta châ haw hmeiseih p[I ta, . Ahmô mâh leipa chhaota hmô cheingei khohpa ta mohropa hnohta hiah/patluapazâh tlâ lei awpa ta eimâ haw hmeiseih hra.Eima chanôheihpa hmo â tyhpa kyh vâta MCHP (H) hmalana zydua, Siaha District chhôh liata Chanô NGO : LWA Sub Hqrs nata MHIP Sub Hqrs zy, Awnano nano nanopa nata veiseih py lai chaipa MTP (H) students body lai chaipa MSO (H) hleikhôta Py nano nanopazy chhaota palôh tlokhuta maniah amâ pyhkheizie eima hmô nota eima thlalôh hmeiseih ta eimâ ly ngaita kaw.
Lalhmingthanga hawhta palôhru pihpasipa nata pasichhihpa hawhta mohropa ama y heih tlamaw aw tahpa avaihpa ta chanôzy chhao asosi ta avaih chyu awpa ta eimâ pasyu.
Lalhmingthanga Tialdawnglung khih puapa he â phuhna hawhta hriena pie awpa ta MHP (H) nata a hrialâhpa LWA, Sub Hqrs nahta MHIP Sub Hqrs Siaha zy ta biehneipatuhpazy hnohta ahawna taopa ta ama tlôkhei.
Lalhmingthanga he MCHP(H) ta hrochhôh lô-o atâh tlâh a châzie nahta a tâh tlai sala tahpa hnabeiseih ta, hrochhôh atâh leipa ta a vaw puapa chhaota Siaha District chhôh liata ano châta su y khao vei tahpa chhao avaw pahno sala tahpa eima khoh.
Taru 30/9/2019 Hriatuanoh khita eima sawchanô, narônô taokheizie nahta he hawhpa hmo he tlô khao leipa sala nahta Molei tluatlôpa Lahmingthanga he hrochhôh lô-o atâh awpa ama khozie palâsa n’awpa ta lâthlôh achhih awpa ta daihti rao ta, Siaha District ti nata tlâh chyhsa, mo to nata chhôhtozy lâthlôh achhihna liata pua chyu awpa chhaota eimâ hrua.
Issued By:
Mara Chanô Py
General Headquarters
Siaha