KIASIE, 30 Thlarâh, 2019, Hriatuanoh (MNN) – Kô 3 padaipa ta atlôpa Mara Thyutlia Py (MTP) General (Gen) Conference cha atakô hnei kô vaw châ ha ta, adaihti chhao liahsa pasia khai hapa a châ.
Atakô MTP General Conference he Ei Sythôh nata Ei Kha (31) -na awpa châ ta, MTP Sub-Headquarters: Phura ôna chhôh liata ypa khih Kiasie ta apatlô aw.
Adaihti châta târi 26-28 Phiapi(November), 2019 chhôh raopa a châ.
Chief Guest châta Former MTP Gen. HQ President Puhpa K. Beichhua, Minister, Mizoram hruapa châ ta, Guest of Honour châta Puhpa KT. Rokhaw, MLA, Pala Constituency hruapa a châ hra.
MTP General Conference he kô 2014 pa ta Saikao ta patlô ta, kô 2016 liata Laki ta a patlô hra. Kô hro lâ cha kô 2 padai ta hnei tyhpa châ ta, atahmâ lia deikua kô 3 khô lâta hneipa a châ.
Atakô liata MISS MARA atlyna hneipa châ aw ta, pahno theina rakha liata manôh 18 zy ta Miss Mara 2019 apatlâh awpa ta moh ama pangia.
He Gen. Conference liata MTP General Headquarters: Siaha leader zy atlyna – General Election hnei pâpa a châ aw.
Atakô Gen. Conference Byureih moh châta MTP Gen. HQ President Hmiatua chaipa Puhpa Sachô Hlychho bipa a châ aw.
Atahmâ he, Byureih sa ngâhaipa châ ta, nohthlahpa liata eima hmôpa hawh ta khôtho adaih lâ he sa patlô daihmâ hapa a châ.
Mara Thyutlia zydua, he General Conference he, MNN vyuhpa ta Mara kawpa ta ahlao khai awpa ahrua pi ta, eimâ khokhei hmeiseih.
(Admin, MNN. Photo Credit: Puhpa L. Beimosa.)