NEW DELHI, 21 Phiata, 2019 – Atanoh khata Shri. Anand Sharma, MP nata Chairman, Parliamentary Standing Committee on Home Affairs apahrâna O liata St. Delson Notlia, Puhpa S. Vadyu nata Lai Delegations zy ta Sixth Schedule to the Constitution of India Amendment Proposals copy ama pangia.
Parliamentary Standing Committee on Home Affairs zy heta Sixth Schedule Amendment chóchâ atyu pahmaona thlai ta hnei aw ei ta, âmo heta Cabinet lâ ama report ama pangia aw. October Noh 30 pata Standing Committee ta Sixth Schedule Amendment chóchâ vâta amâ tyu pahmao aw.
Khazopata a daihti ta liata, hmo maniah pachhuapanopa tyh ta, Parliamentary Standing Committee on Home Affairs Chairman Shri Anand Sharma ta, Târi noh 30 pa liata meeting ama hnei awpa liata Witness châ awpata pasaina thlai vaw pie ei ta, Standing Committee hmia liata witness ta amâ dua hleikhóta, Sixth Schedule Amendment proposals copy he members zydua hnota rai awpata bie âtaih ei.
Sixth Schedule Amendment he buakhei byuhvei tahpa ta, party thokha ta pahneisao nawpata hmâ tyh ei ta, Central lâta a tlókhei nawpa dopa liata Khazopata lâpi tao tyh ta. Central BJP sawkhâ heta Sixth Schedule Amendment he atao cheingei aw.