ECM Headquarters: General & Mission News
SIAHA, 27 Phiata, 2019, Abeipanoh – Ary liata palâsapazy he târi 20-26 Phiata, 2019 chhôh ta ECM Headquarters ry liata Mission nata General thâtih lapakhypazy a châ:-
- MODERATOR:
Târi 25 October, 2019, Chutynoh 1:30 PM liana kha ta Rev. C. Beima, Moderator ta Amôbyuh Bia Pastor Quarter a pahy.
- SENIOR EXECUTIVE SECRETARY:
Rev. Dr. Laiu Fachhai, Senior Executive Secretary cha târi 25 Oct, 2019 (Friday) pa ta Chapi Pastor Bia Pakhypi ahlao awpa ta sie ta, târi 28 Oct, 2019, Hriatuanoh liata Siaha lâ âzâ lie heih awpa hnabeiseihpa a châ.
- EXECUTIVE SECRETARY (Edu.):
Rev. Dr. S.T. Zawsi, Executive Secretary (Education) cha târi 26 October, 2019, Pachynoh ta Zyhno Pastor Bia Nôpawpazy ta ama hruana hawhta Zyhno Vaihpi Local Church liata Pastor Bia Pakhypi ahlao awpa ta a sie hra. Târi 28 October, 2019, Hriatuanoh liata Office kia hmâ awpa ta Siaha lâ â vaw lie heih aw. Ano he ta Senior Executive Secretary charge a la chy aw.
- EXECUTIVE SECRETARY (MISSION):
Awnanopazy thlahchhâkheina vâta târi 26 October, 2019 noh liana khâ ta Rev. T. Salaw, Executive Secretary (Mission) nata Machâ JC. Mawsi, Machâ S. Lalremthanga nata Executive Secretary lahpinô zy châ, atlâhboh kawpa ta Tiwa Mission field ama vaw tlô. Abeipa ta âryh atah khiahta châ târi 28 October, 2019 liata Tiwa Mission su puasaipa ta eima râh pangai awpa ta amâ vaw thao aw.
- TIWA MISSION:
1). Alynabie reihna: Atakô 2019 liata New Life High School students rietheipazy châta apasaih kawpa ta vaw sponsor tuhpazy hnoh ta Tiwa Mission Field chata Beipa Zisu Krista moh ta alyna bie ama reih:
(1). FC. Vatlô & brothers, Siaha.
(2). Mercy & Sisters, Aizawl.
(3). Machâ K. Chilei, Amôbyuh.
(4). KNP: Gilgal Local Church, Siaha.
(5). KNP: T. Salem Local Church, Tipa.
(6). Siahatlâ hLocal Church, Siaha.
Riethei-sipasapazy châta namâ pasaina liata Abeipa ta alie hluhpi ta byhnâ chapie chyu ei sy.
- ARUNACHAL MISSION:
(1). Outreach Ministry: Mission Pastor Lalnunhlima Mathiepee nata Tezu Awnanopa tawhta khihchhôh Machâ nata Thlachhâtuhpa py zy châ 18- 20 October 2019 liana khâ ta Tezu khih puasaipa ta Anjaw District liata khih thôkha zy liata chakaona ama hnei. He chakaona lâ a siepa manôh ama zydua ta pasari châ ei ta, Chaglagam, Tafraliang, Amliang nata Swami Camp khih zy liata chakaona ama hnei. Abeipa ta ama chakaona byhnâ pie ta Abeipanoh my ta Chaglagam khih liata ngiapâthiehpa manôh pakha bâti pachâsapa a châ. Batina program a hmâ khai tawhta Abeipa zâpati dôhna chhao hneipa a châ hra.
(2). ABCC Youth Conference:
Missionary Bonny Laltlanliana chhihthana ta ECM mission chakaona areas liata Krizyhpa thyutliapazy cha 18-20 October 2019 pa liana kha ta Arunachal Baptist Church Council Youth Conference amâ hlao. He pakhypi he Tangsa Baptist town church, changlang district liata hneipa châ ta, Khichhai he District hleino zy tawhta a tlô theipa manôh zydua he zathôh (300) ama châ. Lohit Diatrict tawhta Choir Leader Bonny Laltlanliana chhao ta manôh asie theipa he sypalih nata pasari ama châ. Apha kawpa ta pakhypi ama hmâ hleikhô ta Hlapy, solo, nata Musical dance chhao ta Abeipa reithaina ama hnei thei hra.
ECM Arunachal Mission liata hriatuhpazy amâ lykawna cha a eikhana châta Hlapy chhao ta Krizyhpa thyutliazy pakhypi laipa liata amâ hlao theipa he a châ. Hlapy adua hnei nawpa ta phahnai ngiah kawpa ta Missionaries FC. Ngôkhe nata Bonny Laltlanliana zy ta Solfa nata hla apachu tyh.
(3). Healing Crusade: ECM Mission’s partner MBCC Pachuahpanôh pa ta 8-10 November 2019 pa khi ta Changliang Prayer Centre liata Healing crusade pachhuahpanohpa a châ aw. He Healing crusade chhôh zydua liata khichhai avaw ngai awpa zy châta nie-do pachhuapanoh n’awpa châta fund-raising tao ngahaipa a châ. He healing crusade a hlaotlôh thei nawpa châta nata he Healing crusade hmâpa ta ngiapâ thiehpa ama vaw y thei n’awpa châta Awnanopa manôh zydua Arunachal Mission Field ta thlahchhâkhei awpa ta maniah amâ haw.
- CHAKMA MISSION:
1). Hriatuhpazy:
(1). Missionary C. Ngôna cha chhôhkha hmo peimawhpa vâta eimâ râh lâ a sie no a châ. November 6, 2019 liata a station za tlô thei heih awpa ta hnabeiseihpa a châ.
(2). Missionary B. Vâbeibyhnarôna cha ama tlâh leina vâta Aizawl lâ M.R.I pataosa awpa ta Siaha taihta kaw pathlie ta, November 7, 2019 liata field za tlô heih awpa ta hnabeiseihpa a châ.
(3). Chakma reih a thai mâh leipazy châta special class hnei ngâ haipa chhao hnei pazao lymâ chypa a châ hra.
2). Khazohpa ta hmo no-âhpa a tao: Silsury khih liata krizyhpa a mo chaopa, Prem Chakma, krizyna vâta a o sana râh tawhta papua hapa cha, nôpo kawpa ta a y no ta, VC nahzy râh (o hmo) rai chho ei ta, missionary quarter kiah liata râh ruapa a y chhôhpa hmô papua ei ta, cha lia cha ta VC zy ta o hmo phie ama pie pâ haw. Awnanopazy thlachhâkheina vâta a châ tah lei thei ma pi, Chakma Mission chata Awnanopa nata Khazohpa lâta alyna bie ama reih hmeiseih..
3). Krizyhpa baona pie: Silsury liata krizyhpa, krizyna vâta papua hapa cha a no râh liata cheingei o a sa thei bâ awpa vâta Chakma Mission field liata hriatuhpazy suhrawh su kha tawhta Râhvâ bandle palih tlai ta ama chaleipa thei hra.
- TRIPURA MISSION:
(1). Atahmâ hâta bâtipa zie:
Târi 20 Oct, 2019 (Abeipanoh) liata- 2 Novah- Sudarshan Gour nata Minati Gour, Jangurlwng khih liatapa. Târi 21 Oct, 2019 (Monday) liata- 2 Novah- Amal Krishna Debbarma nata Namita Debbarma, Agartala khih liatahpa chhao ta, ama zydua ta manôh pa 4 zy bâti pachâsapa ama châ.
(2). Atahmâhlâ he Achhyna O khih 3 – Jangurlwng, Dumachara, Wakhirai liata sa awpa ta pachhuapanoh ngâhaipa a châ.
(3). Achhyna O, quarters, Mission Station-zy su awpa châta hma la lymâpa a châ hra.
(4). Pastor V. Vabeiha cha a paw Machâ V. Dawlua â pahasai vâta Tipa lâ ama chhôhkha ta ama siepa cha, atlâhpa ta Tripura ama za tlô ha heih.
(5). Preaching station he khih 6 liata paduapa a châ haw hra.
- ODISHA MISSION:
1). Kandhamal Area Report:
(1). Târi noh 18 October, 2019 pa khata hriatuh penawhzy ta Nuasahi khih lâ outreach ministry hneipa ta ama sie papua. Odyh 3 kia pa ta Khazohpa bie reina nata thlahchhâna zy hneipa ta daihti ama hmâh. He noh zâ pyly ta Sunapanga liata ama viasapa sawchanônô Laihsa Glory Digal birthday alyna liata ahlao hra awpa ta hruapa ama châna hawhta Kandhamal lâ liata hriatuhpenawh thokhazy ta daihti ama hmâkhei.
(2). Târi noh 19 October, 2019 liana khata Surubali khih lâta sie heihpa châ ta, Krizyhpenawh O kia laihpa ta thlahchhâna ta daihti ama hmâh. He khih liata krizyhpa odyh 2 apakhy ahrâ leipenawh hnohta pahânoh chhâ cha apakhy hra awpa ta hruapa ta, âmo chhao ta duhsaw dusaw ta amâ pakhy hra awpa hawhta ama reih. He nah he kô 2008 taolana tawhta Krizyhpazy hmotaona lia raita ahlaohli ngâh khao leipa ama châ. Krizyhpa chhôhkha phapa ama vaw châ heih theina awpata Awnanopazy ta thlahchhâkhei lymâ suh vy.
(3). Târi noh 22 October, 2019 pa kha ta Kandhamal district la liata a hriatuhpenawhzy Abeipa lâta ahlâ pathiehna thlahchhâ paraona daihti ama hmâh.
2). Sambalpur Area Report:
(1). Târi noh 22 October, 2019 pa khata Local Evangelist Mihir Dip chakaona, Tarasing Para liata Hindu chyhsa pakha atlâh leipa, laihsa Esa Kandha cha local evangelist ta thlahchhâpa ta a vaw tlâh haw. Zisu Krista ngiapâtuhpa a vaw châ thei nawpata thlahchhâkhei lymâ suh vy.
(2). Târi noh 30-31 October, 2019 pa heta Odisha Evangelical Mission Field Committee hnei awpa châ ta, OEM missionary nah zydua Director pahrana su Sambalpur la ama tlô pakhy khai aw. Rairuna zy y hraoh leipa ta, apalâ kawpa ta field meeting hneipa a cha thei nawpa ta eima thlahchhâna liata bao chyu suh vy.
- THÂTIH LAPAKHYPAZY:
- Târi 23 October, 2019, 1:00 PM liana khata C. Beichhitha nata J. Lalremruati-zy cha New Siaha Local Church liata Rev. F. Vanlaldika, Biatuhpa ta ku a patusa ei. Rev. C. Beima, Moderator ECM sawchapawpa nata Machâ sawchanô a châpa hawhta Assembly Ryureina khona zie ta ama hneina noh heta kyhchhi vei ei. New Colony Hlapy, New Siaha Hlapy nata New Siaha Bia Hlapy-zy ta hla ta chakaona ama hnei. Awnanopa manôhzy aly kheituhpa zydua chô liata ama chhôh noh ta alyna bie ama reih.
- Thlahchhâkhei lymâ suh vy:
1). Atahmâhlâ he MTC liata achuhaipazy cha Senate of Serampore College (Univerity) Examination ama hnei ngâhai no châ ta. Awnanopazy ta ama châta thlahchhâkhei via lymâ ei suh vy. Ary liatahpazy he ta amâ exam ngâhai:-
(1). B. Miss. I Yr Students = 5
(2). BCS I Yr Students = 3
(3). BCS II Yr Students = 2
(4). DCS II Yr Students = 1
2). C. Th. Students 20 zy ta thla heihpa tawhta class kiah heih aw ei ta, December thla chhôh ta Final Examination ama hnei aw.
3). B. Miss. zy chhao thla heihpa November, 2019-pa tawhta class ama kiah pazao heih aw.
- Târi 31st October, 2019 (Thursday) heta MTC Library cha pahy bâ awpa ta hmah la ngâhaipa a châ. Pahytuh awpata Puhpa MH. Tiabi, EM (LAD), MADC apahawhpa a châ.
- Atakô 2019 December thla chhôh heta MTC Graduation Day hmâ awpa ta patohpatia ngâhaipa a châ.
- Maraland Gospel Centenary Hospital:
Târi 14- 24 October, 2019 chhôh report.
1). Tlâhleipa apamosapa zie – 314
2). Tlâhleipa admitpa zie – 53
3). Ultrasound mopa zie – 72
4). X-Ray – 38
5). ECG mopa zie – 17
6). Endoscopy mopa zie – 15
7). Hawsaih pihpa zie -3
8). Athipa – 3
9). Emergency Case – 16
10) Operation hneipa zie –2
(Published by J. Lalvarliani, on behalf of Communication Department, ECM Assembly. Edited & Published online by BeiRôkhu Beitâ, Admin, maraland.net)