SIAHA, 2 Phiapi, 2019, Pachynoh (MNN) – ECM KTP Headquarters Pakhypi Ryurei bie pathlupa hawh ta ECM Inter Branch KTP Quiz Competition cha târi 4-16 Phiapi, 2019 chhôh ta ECM New Siaha Local Church Hall liata hnei awpa a châ.
He Competition liata ahlao awpa ta Branch 29 tawhta form pangia ei ta, branch 2 zy deikua ryhpaoh leina vâta hlao thei lei awpa châ ei ta, branch 27 zy ta amâ hlao thei aw.
Kô hmiatuapa taopa liata Branch 21 zy ta amâ hlao thei.
Quiz Competition liata ahlao awpazy he Branch 1 tawhta manôh 3 taihta pasaipa châ ta, manôh pa 3 ama tloh leipa chhao ta pasaipa a châ pyly. Branch to ta Guide/Coach mo pa 1 ama hnei chyu hra aw.
Târi 4 Phiapi, 2019, Hriatua zâ liata Pahyna Programme ahmâ awpa châ aw ta, Programme achhâ tawhta Briefing hnei awpa a châ. Quiz Competition participant nata guide/coach zydua he Briefing liata ahlao khai cheingei awpa a châ.
He Quiz competition he NSV Local TV tawhta Live ta pie papuapa châ aw ta, HSV chhao NSV tawhta la pachhuahpa ta Live ta ama pie papua hra aw.
Atakô liata Quiz Competition Lymâ he Mararâh nôpaw MDC pakha avaw châ hapa Machâ K. Chialo (L) athei thlâhna châta Ls. K. Ngôpawpi, New Colony ta a vaw sponsor.
KTP Headquarters Chakaona tha patlôna châta Dep’t Advertisement tly ma, mo pakha tawhta saiheina tlyma, lôhthai sôh apie thei awpazy cha ary liata moh nata number palâsapa O
Quiz Organising Board nahzy ku liata pie theipa a châ aw:-
- K. Zodinpari
New Siaha
Mob:- 8258837594 - Lalremruata Khithie
Siaha Vaihpi
Mob:- 8730922784 - Beirokhu Beita
College Vaih
Mob:- 9612730998
Atahmâno he Quiz Organsing Board nata ECM New Siaha KTP zy ta apatohpatiana châta thata tlâhrai hria ngâhai ei ta, New Siaha chheipâh liata ECM KTP Branch zy ta cha, he tlâhrai he bao chyu hra awpa ta hnabeiseihpa ama châ.
(Admin, MNN. Source: Inter Branch KTP Quiz Competition Organising Board, ECM
KTP HQ, Siaha.)