SIAHA, 3 Phiapi, 2019, Pahânoh – Ary liata palâsapazy he târi 27 October, 2019 tawhta 2 November, 2019 chhôh ta ECM Headquarters Mission chakaona nata thâtih thiehpa lapakhypazy a châ:-
- MODERATOR:
Rev. C. Beima, Moderator, ECM cha târi 8- 11 November, 2019 chhôhta Hindi Christian Fellowship Pakhypi (Convention), Chheihlu liata hnei awpa liata Speaker châpa ta chakaona a hnei aw. Awnanopazy ta a chakaona châta thlahchhâkhei suh vy.
- SENIOR EXECUTIVE SECRETARY:
Târi 31 October, 2019 (Thu) liana kha ta Rev. Dr. Laiu Fachhai, Senior Executive Secretary
nata a viasanô Pihno Debbie Fachhai zy cha Saikao liata eima missionary Pihnô Vaili nata Rev. L. Mark-zy za tly ei ta, thlahchhâna zy ama hnei khai tawhta Siaha lâ amâ kaw lie heih. Tawhla, târi 2 November, 2019 (Sat) tawhna heta Senior Executive Secretary he tour awpa sie heih aw ta, Senior Executive Secretary y lei chhôhta Executive Secretary (Mission) ta Senior Executive Secretary charge he a la chyh aw. Senior Executive Secretary Tour program cha he hawna he a châ aw.
(1). November 5, 2019 (Tue) – NEICC Working Committee Meet, Guwahati.
(2). November 6 – 10, 2019 – Mara Biehrai Mopasiana rai, Shillong.
(3). November 20, 2019 (Wed) – United Christian Forum Seminar, Shillong.
(4). November 21- 26, 2019 – TBCU nata hrialâhna pachhâsana nata Tripura Field thiehpa pahyna, Agartala.
(5). November 27- 30, 2019 – Senate of Serampore Meeting nata Convocation, Hyderabad.
Târi 2 December, 2019 liata Siaha vaw lie heih awpa hnabeiseihpa a châ.
- EXECUTIVE SECRETARY (Edu.):
Târi 1 November, 2019 (Fri) –pa liata Rev. Dr. S.T. Zawsi, Executive Secretary
(Edu) cha KTP in-charge Executive Secretary a châna hawhta KTP Executive Committee Meeting, College Vaih North Local Church liata hneipa liata â hlaokhei. Târi 2 November (Sat) liata Tipa & Chakhei Mini Bookroom-zy checking hnei awpa nata Abeipanoh liata Châkhei Local Church liata chakaona hnei awpa ta Châkhei la a sie hra. Târi 4 Nov, 2019, Hriatuanoh ta Office kia hmâh awpa ta Siaha vaw lie heih awpa hnabeiseihpa a châ.
- KTP HEADQUARTERS NEWS:
1). ECM KTP Headquarters Executive Committee Meeting cha târi noh 1 (Fri) Nov 2019 khata ECM Local Church, College Vaih North liata hneipa a châ. College Vaih North Awnanopa ta ryureipa zy châta zâla pati pahâ kawpa ama vaw chhuanohpa.
2). Agape Home Deichhyna châta ECM KTP Headquarters Budget Rs.10,000/- khôpa ta Tlaw 20,000/- tlaih KTP member zy hriapasana ta pie hapa a châ hra.
3). 63rd Pakhypi bie pathlupa hawhta ECM KTP Headquarters, Secretary Chakaona châta hmâ awpa Scooty, Suzuki (Acsses-125) cha tlaw 80,000/- hlei ta chalei ha hrapa a châ.
4). Inter Branch KTP Quiz Competition cha târi noh 4 – 16, 2019 chhôh ta ECM Local Church New Siaha Awnanopa Hall liata LIVE telecast ta pachhuahpanoh awpa a châ. He liata branch 30 hlei tlaita ama register hapa hawhta bie daopa a châ. Quiz hlaotloh kawpa ama hneithei nawpa ta thlachhâkhei chyu su vy.
- MARALAND THEOLOGICAL COLLEGE:
MTC Library pahypa a châ: Târi 31/10/2019 (Pohbiehnoh, dawh1:00 pm) kha ta MTC Library Rs. 7 lakh rachhôh ta patlôpa cha Khihchhôh Machâ MH. Tiabi, EM (LAD) MADC, ta pahy ta, MTC chhôhkhazy ama ly ngaita kaw. Rev. Dr. Laiu Fachhai, Senior Executive Secretary, ECM ta Abeipa lâta thlahchhâna ta a hlâ. Daihti rei leipa ta program hmâpa châ ta, EM nata Senior Executive Secretary zy ta biereina hnei ta, Moderator ta byhnâ awna thlahchhâna hnei ta. Thopi pahâh kawpa daokhohna hneipa a châ hra.
- MISSION NEWS:
1). Missionary Sponsorship : January tawhta October 2019 taihta Missionary a sponsor theipa Local Church 89 tawhta maluh 2282 ama châ. October chhôhta Missionary a sponsor theipa maluh 617 a vaw baichhi ei ta, Local Church chhao 4 ama vaw baichhi hra.
2). Beihpari nata Local Mission Target : April – October 2019 chhôh ta Beihpari Target a patloh theipa Local Church 17 châ ei ta, Local Mission target apatloh theipa Local Church 29 ama châ.
3). Field report piena hnei: Mission Pastor CK. Chôma, Tripura Mission Field, chhôhkha cha eima râh liata furlough hmâ hai ei ta, târi 6-24 November 2019 chhôh ta Siaha nata Meisavaih Pastor Bia zy liata ama chakaona report ama pie aw. Mission Pastor C. Khaisa, Mising Mission Field chhao ta furlough kaw hmâpa ta eima râh liata a y haino a châ hra. Târi 2- 17 November 2019 chhôh ta New Siaha nata Tipa Pastor Bia zy liata a chakaona report a pie aw.
4). Field chahryhna tawhta vaw tlô: Rev. T. Salaw, Executive Secretary (Mission), Machâ JC. Mawsi, LMC Saikao nata Machâ S. Lalremthanga, Bethany zy cha Tiwa, Mising, Nepal, Arunachal Mission Field zy nata SIM Missionary zy Jaigaon, West Bengal liata ama tly khai tawhta atlâhpa ta ECM Headquarters ama vaw tlô lilaw haw.
- TRIPURA MISSION:
(1). Tripura Mission Field liata Missionary zy so lymâpa ama châ:
(i). Pastor Hc. Hachhua -Dumachara, Dhalai dist.
(ii). Pastor T.Lawmthanga – Hurinchara Gurudon, Dhalai dist.
(iii). Pastor Samuel Zalua – Twidu, Gomati dist.
Âmo zy he November liata apasie awpa zy cha ama châ.
(2). Tripura Evangelical Mission ry liata Society “Evangelical Church Welfare Society” cha Societies Registration Act 1860 ry liata Registration tao hapa a châ.
(3). Tripura Evangelical Mission Station châta Agartala area liata râh pha kawpa 54/200 fts Rs. 25 lakhs ta chalei awpa hmo hapa a châ. Hetiepa râh he mohropa zy zuana rate cha 35 lakhs sai châ ta, he hawhta su phapa nata ma naopa ECM Awnanopa ta a hmô theina chhâpa he Abeipa ta Awnanopazy thlahchhâna byhnâ a pie vâta nata Tipa Electric Local Church-zy mission châta ama pasaina Abeipa ta byhnâ apie vâta a cha tah leithei ma pi. He râh atluapa tuhpa N. Darlong IAS, Secretary to the Govt of Tripura, Finance, Tribal Welfare Dept-nah nôvah chô liata Tripura Evangelical Mission chata alyna bie a reih.
(4). Rev. Dr. K. Itei nata chhôhkha ta Rs.85, 000/- nata Puhpa N. Chhuakhai ta Rs.20, 000/-, a zydua ta Rs.1,05,000/- Wakhirai Achhyna O sana châta pie ei ta, hriatuhpazy amâ ly ngaita kaw. Ama hmo pha taopa he Abeipa ta byhnâ pie aw ta, he khîh liata Krizyhpa ama pôh lymâ nata hriatuhpazy ta ama hnabeisei ngai ta. TEM – ta Rev. Dr. K. Itei nata Puhpa N. Chhuakhai chô liata Abeipa mohta alyna bie ama reih.
- NEPAL MISSION:
(1). Evangelical Faith Church of Nepal (EFCN) ta târi 28-29 October, 2019 khata General Assembly, Pathari, Japa District liata hnei ei ta, Awnanopa 29 tawhta Machâ nata Chakaotuhpa, Pastor, Thyutlia Chhihtuhpazy nata Awnanopa Chanô chhihtuhpazy nahta, General Assembly daihti thapha ngâsâpa ama hmâh.
Assembly biepipa “Krizyhpa chhôhkha nata chakaona” tahpa biepipa hmâpa a châ. Chata “Krizyhpa chhôhkha” tahpa nata “Chhihtuhpa peimawh” tahpa biepipa sâno hmâpa ta Seminar hneipa a châ hra. Pakhypi ahlaopazy sapa nata thlahpa liata amâ thôhkhei ngâsâpa ta bie daopa a châ.
Awnanopa chhao hmahsie ngâ ta, he Assembly liana he ta Rev. Henry C. Lalenkawla, Nepal Field Director ta Assistant Pastor chyhsa pacharie (8) nata Machâ pano (2) a chahnao pa-i. Awnano pacharu (6) zy cha Evangical Faith Church of Nepal lâ â ly pangia hra.
He Pakhypi heta EFCN hmahsie nawpa dâhzy pachâkhohpa châ ta, kô 2020 châta budget phawpa châ ta, kô 2020 EFCN Budget châta Rs. 515,600 taopa a châ.
Agenda hluhpi hmahsie nawpa dâh pachâkhohpa châ ta, chazy hry liata peimawh viapazy cha :
(i). EFCN Awnanopa chhôh liata Awnanopa ypa zydua Awnanopa apakhyna chhihthana dâh, Ahnei kupatuna dâh, Saw hlâna dâh, Abeipa Zâpati dôh dâh, Bâti pachâsana dâh, Athihpa pabuna dâh âraohâhpa ta hmâ khai awpa khohna cha lôh raoh kawpa ta apyhpa a châ.
(ii).EFCN ry liata Assembly Executive Member, kô thôh term chhâ ha ta, term thiehpa liata member rao awpa cha AEC ku liata sopa a châ.
(2). Atakô 2019 chhôh liata EFCN Statistics cha he hawhna heta a châ:
a) Missionary – 10,
b) Pastor – 13,
c) Evangelist – 13,
d) Awnanopa Machâ – 20,
e) Kichhôh Machâ – 62,
f) Awnanopa member – 2250,
g) Dâh pathaihpa ahneipa – 124,
h) Bâtipa zie – 65,
i) Member thiehpa – 152
(3). Kô 2020 liata General Assembly hnei nawpa su châta Evangelical Faith Church of Nepal, Local Church: Logos cha raopa a châ.
- TIWA MISSION:
(1). Bâti pachâsa: Târi 27 October 2019 (Sunday) noh liana khata Kraikhumur Local church liata Manôh-2 Bâti pachâsapa châ ta. Rev. Arup Manta Secretary Tiwa Evangelical Church (TEC) ta bâti a pachâsa. He noh liana heta Abeipa zâpati (Sakramen) pathaihpa raina chhao ahneipâ hra.
(2). Quarter sah pazao lymapa a châ: ECM KTP branch Ebenezer ta asahpa Missionary Quarter Amdubighat su liatapa cha sa pazao lymapa châ ta. Avâ leizy pha sala ama sa pazao lymâ thei nawpa ta Awnanopazy ta thlahchhâ khei ei suh u.
(3). Alyna bie reina:
(i). Student Sponsor: KNP Branch T. Salem ta student sponsor Rs. 6,000/- tlai za paphao ei ta , hriatuhpazy amâ ly ngai ta kaw. Student rietheipa nata bao angiahpa zy rairuna pahno khei ta, sponsor tyh tuhpa zydua hnoh ta Tiwa mission field liata hria tuhpazy ta alyna bie ama reih.
(4). Missionary Quarter: KNP branch Bethesda zy ta Kraikhumur (Umsatri) su liata Missionary Quarter sah n’awpa Rs. 2,00,000.00 baona pie hra ei ta, Abeipa moh ta nata Tiwa mission field moh ta alyna bie ama hlâ.
- MISING MISSION:
(1). Holy grace school liata cl-x nah zy cha târi 30.10.2019 pa ta paĺa kawpata selection test a ama hnei patlô.
(2). Târi 31.10.2019 pa ta Parents- Teachers meeting hneipa châ ta, students nata school hmasie n’awpa peimawhpazy reipahmaopa châ ta, daiti pha kawpa ama hmâh.
(3). Târi 1.11.2019-pa ta Holy Grace School hawti nazy cha Tezpur lâ excursion ta ama sie.
(4). Târi 2.11.2019 pata MEM hriatupazy Immanuel Local church, Bahguri liata fasting prayer hneipa châ ta, leader – Evan. Deba Pegu, Prayer topic- Christian faith tahpa hmâpa a châ.
(5). Târi 3.11.2019 apakhy bâ tawhta 3:00 pm pa ta MEM hriatupazy mission station Bahguri liata meeting hnei awpa a châ.
(6). Mishing field liata krismas kyhchhina châta baona pietuhpazy:
i) Laldingliani Hlychho, New Colony – Rs. 20,000.
ii) Machâ NC. Khaihmo, Bethesda – Rs.15,000/-
iii) Puhpa B. Lalnunsanga SI (2nd Bn. MAP, Lunglei) – Rs. 6,000/-
Mising Evangelical Mission field liata krismas kyhchhina châta baona pietuhpa zydua hnoh ta MEM chata alyna bie ama reih. Abeipa ta byhnâ hlupi pie ei mawh sy tahpa he ama khokheina nata thlahchhâna a châ.
- ODISHA MISSION:
(1). Târi 30, 31. 10. 2019 pa liana khata Odisha missionary zy Field meeting hnei awpa ta Sambalpur khih liata ama tlô pakhy. Târi 30 liana khata local evangelist la awpa ta interview zy hnei kheipa a châ hra. Târi 31 noh ta outreach ministry ama hnei.
(2). Kô 2020 Odisha Evangelical Mission field committee chairman châta mission Pastor Beirôna Hlôvy a tlypa a châ.
(3). Târi 31. 10. 2019 noh liana khata outreach ministry hnei khai tawhta local evangelist zy chhao ta OEM Hlabu pachhuahpanoh haipa review nata ado leipazy taopathina rai ama hria.
(4). Pihnô zau-i, Chawnpui vaih, Aizawl liata pahrâpa ta Odisha ECM missionary zy chakaona liata nama riethei tlôh ta, pati nama vaw nie pahmaoh awpa â ngiah tahpa ta phusâ Rs. 2,000 baona za pie ei ta. Missionary zy ta pati nie hmaohna ama hnei thei. Pihnô Zau-i he ahmie zuahpa a châpa ta bie daopa châ ta, Khazohpa ta a pasaihna zy vâta alie hluhpi ta byhnâ pie mawh sy.
- MARALAND GOSPEL CENTENARY HOSPITAL:
Târi 26- 31 October, 2019 chhôh report.
1). Tlâhleipa apamosapa zie – 112
2). Tlâhleipa admit zie – 17
3). Ultrasound mopa zie – 28
4). X-Ray – 13
5). ECG mopa zie – 4
6). Endoscopy mopa zie – 17
7). Hawsaih pihpa zie – nil
8). Athipa – nil
9). Emergency Case – 15
10) Operation hneipa zie – nil
(Published by J. Lalvarliani, on behalf of Communication Department, ECM Assembly. Edited and Published online by BeiRôkhu Beitâ, Admin, MNN.)