SIAHA, 1 Di, 2019, Pahânoh (MNN) – Ary liata palâsapazy he Evangelical Church of Maraland Headquarters ry liata thâtih tlâhpipazy nata Mission chakaona thâtih lapakhypazy a châ:-
- MODERATOR:
Târi 1 December, 2019 (Abeipanoh) liata Rev. C. Beima, Moderator cha Bible Society of India, Siaha program Bible Sunday Campaign program LIKBK, New Siaha liata chakaona a hnei aw. Tawhla, târi 6 December, 2019 Chutynoh liata ta Presbytery No IV, Chapi liata hnei awpa liata â hlao hra aw.
- EXECUTIVE SECRETARY (EDU):
Târi 30 November, 2019-pa ta Rev. Dr. S.T. Zawsi, Executive Secretary i/c Education(Edu) cha Zyhno Vaihpi, Lôtai nata Zai-o nôpawpazy hruana hawhta târi 1.12.19 taih speaker châpa ta chakaona hnei awpa ta Zyhno lâ sie ta, târi 2 (Mon) liata Office kia hmâ awpa ta Siaha lâ â vaw lie heih aw.
- EXECUTIVE SECRETARY (MISSION):
Rev. T. Salaw, Executive Secretary i/c Mission cha Tripura Mission Field thiehpa pahyna Programme a hnei khai tawhta târi 27 Nov, 2019 khata apalâ kawpa ta Siaha a kaw tlô hwa heih. Târi 1 December, 2019 (Abeipa noh) heta Edenthar Local Church liata Chakma Mission Field liata Work camp hnei awpazy orientation a hneikhei aw.
- THÂTIH TLÂHPIPA LAPAKHYPAZY:
- Christian Hindi Ministry : Târi 26.11.2019 (Tuesday) Hindi Christian Ministry pachhuahpanohpa ta Pastor Aditya Shekhar, Evan. Milan Thapa, nata Evan. AB. Rai zy ta Amobyu vaihthie (Zero) PWD Labour Camp liata chakaona rai hria ei ta, chyhsa manôh 2 (pano) zy ta, hrochhôh ta eima Beipa Zisu Krista hno zi bâ awpa ta Bâti ama cha.
- Presbytery Pakhypi hmâhkhei aw: Târi 5-8 December, 2019 chhôhta Presbytery Ryurei Pakhypi hnei bâ awpa châ ta. Headquarter lâ tawhta Presbytery liata a hlaokhei awpazy cha he hawhta a châ aw:-
(1). Presbytery No 1 – Shalom Local Church, Siaha – Rev. T. Salaw, ES (Misn)
(2). Presbytery No. 2– Lôbô – Rev. Dr. Laiu Fachhai, SES
(3). Presbytery No. 3 – New Laty – Rev. Dr. S.T. Zawsi.
(4). Presbytery No. 4 – New Chapi – Rev. C. Beima, Moderator
(5). Presbytery No. 5 – Rev. Dr. FC. Beichô Elect. Moderator
- MTC Alyna bie reina: Maraland Theological College châta hmo peimawhpazy donate tuhpazy hnoh ta MTC Principal nata Staff-zy ta alyna bie ama reih hmeiseih. Ary liata palâsapazy he donation vaw piepazy ama châ:-
(1). Meisavaih Local Church – Wooden Chair, 8 nos.
(2). Machâ S. Zakâ, Secy, Theiri Local Church – Carpet roll 2 nos.
(3). Theiri Local Church – Library Reading table, 5 nos.
(4). Tisi Pastor Bia – Steel Almirah.
- TRIPURA MISSION:
(1). Tripura field thiehpa “Tripura Evangelical Mission” cha târi 24.11.2019 pa ta Rev. T. Salaw, ES, Mission ta apahy haw.
(2). Dt.1.12.19 (sun) noh heta Agartala liata Agartala Evangelical fellowship pahy awpa ta pachhuahpanohpa a châ. A su châta TRTC hall, Agartala a châ aw.
(3). Anandhapur khih liata chhao Pastor L. Khaily nata pastor James Thansanga zy ta fellowship padua achhuahpa ta preaching program ama pachhuahpanoh hra.
(4). Pastor KC. Zalua nata a lapihnô Pihnô Dawdaw zy ta târi 26.11.2019 pata Hawti chano khochhi kawpa Asha Nursing Hospital liata ama hnei.
- TIWA MISSION:
(1). Christian Family Day: Zâhkô lâ tawhta Tiwa Mission field liata ama hmâ tyhpa “Christian Family Day” he December thla pahânoh hmiatua chaipa liata hmâ tyhpa châ ta. He noh liana heta chhôh to ta hmaohkha (Sukha) ta atyuhpa ta Abeipa reithai ta palyupalih khohna daihti ta ama hmâ tyh. Aly thapha kawpa ta hmâ tyhpa achâ. Atakô chhao târi 1 December 2019 noh liata World Bible Sunday nata Christian Family Day pakaohpa ta Local tota special programme hmâh chyu awpa ta apatopatia haipa a châ.
(2). New Life High School: New Life High School cha târi 3 December 2019 noh tawhta Final Exam pathao awpa châ eita. Adaihti ta liata exam ama pathao thei nawpa ta Awnanopazy ta thlahchhâkhei ei suh u.
(3). Alynabie reina: KNP Branch; Theiri zy châ Mishing Mission field tly awpata amâ zu nota. Mission compound buakha ama vaw chapiapâ hra ei ta. Ama hmiazy vaw hmô ei ta, hriatuhpazy ama ly ngaita kaw. Cha liata Tiwa Mission field liata abyuhna nata ngiahna liata hmâ awpa Rs.10,000/- baona pi eita. Tiwa Mission Field liata hriatuhpazy ta palòh hmeiseihpa ta alyna bie ama reih.
(4). Amdubighat Chhyna-O sa pathao: Amdubighat su liata Achhyna-O cha’ atahma no he sa pathao haipa châta. Rairunazy yleipa ta ama hriapazao lymâ thei nawpa ta nata apalâh kawpa ta ama sa patlô thei nawpa ta Awnanopazy ta Thlahchhâkhei ei suh u.
- ODISHA MISSION:
(1). Târi 30 November 2019 pa liana khata Odisha Evangelical mission committee, Rev. Stephen Beihrosia Chozah quarters, Sambalpur liata hneipa châ ta. Local Evangelist post sâno lâ awpa châ ta, Local Evangelist a hiapazy interview ama hnei khei. He noh pyly ta appointment order chhao papuapa pa a châ.
(2). ECM Local Church Gilgal tawhta nata ECM KNP branch Bethany tawhta Odisha mission field member zy hnohta rai awpa Odia Holy Bible cha copy 250 chalei hapa a châ. Thlai ta rai thei awpa ta pachhuah panoh haipa a châ.
(3). ECM Local Church, Amôbyu (B) tawhta Odia Hlabu pataosana awpata baona ama daopa tawhta Odia hlabu chhao pataosa haipa châ ta, thlai ta patlô awpa ta pachhuah panoh haipa a châ hra.
Kandhamal Area Report:
(1). Târi 22nd November, 2019 kha ta Local Evangelist Kailash Digal zy chhaota Bereshit nata achheipâh liata ministry ta sie papuana hneipa a châ.
(2). Awnanopa zawpi zy thlachhâkheina Abeipa ta chyh-ei ta, Bereshit awnanopa liata Ody 2 ta amâ pôh chhi. Odyh 1 pazy he Krizyna tawhta Hindu lâta akua hapa, Kri vaw pakhua heihpa châ ei ta. Ody 1 penaw deikua Hindu tawhta avaw paliepa ama châ. Awnanopa hmotaona liata ama vaw active theih nawpa nata ngiapâna ipa ama hnei theih nawpa ta thlahchhâ khei suh vy.
(3). Local Evangelist Mishra Digal sawchanô Pawmi Digal chhao daihti khâchâ ma Phulbani hospital liata ama mohôh khai tawhta atlakawpa ta ama vaw tlô haw. Abeipa hnoh ta alyna bie reih suh vy.
(4). Târi 26 November 2019 khata hriatuhpazy ahmôpakhyna hneipa châta, hmahla via nawpa dâh zy nata tha apatlôna rairienazy nata apasyuna daihti pha kawpa hneipa châta, chakaona thatih a share na zy chhao hneipa achâ.
(5). Târi 28 November, 2019 khata Local evangelist nah zy chhao ta Miriapanga house church liata tlaraih hriana hneipa châta, apakhy tyna O liata peimawhpa zy taopata member nahzy chhaota amâ hlao hra.
Sambalpur Area Report:
(1). Târi 22/11/2019 Tarasing pada liata a y pa ngiapâna liata hnôh a sy hapazy aw pakhypa ta Local Evangelist Mihir Dip ta pasyuna nata thlahchhâ kheina hneipa châ ta member 11 ta a mâ hlao thei.
(2). Târi 23/11/2019 pa khata Oram Padal liata Bati a cha thipazy lâta home visit hneipa châ ta, Bâti a châ mâh leipa thokhazy nata a pakyhna daihti hneipa a châ hra.
(3). Târi 25/11/2019 khata Bihari Pada liata Home Crusade hneina liata mo 8 a ma vy thei.
(4). Târi 6/11/2019 Thanapada liata thlahchhâna Program a hmâna liata mo 12 a mâ vaw hlao thei hra.
(5). Târi 27/11/19 he Budhakata liata Mass Counseling hawhta program hmâpa châ ta manôh 16 tlaita Zisu Krista cha pachhatupa châta a py awpa ta ama palôhrupa chhao a pahy ngahaino a châ. Awnanopazy ta thlajchhâ khei lymâ su vy.
- MISHING MISSION:
(1). Târi 27.11.2019 pa liata holy grace school liata pachutupa rai ahria ngahaipa cha atakô December liata pension ba awpa nata cl-x student zy châta farewell programme hmâpa a châ. MEM liata hriatuhpa zydua hrua khaipa ama châ.
Program he B. Melyjee ta chhitha ta, Director nata Headmaster zy ta pasyuna bie pha kawpa ama reih. Student la taw chhaota item nano nanopa ama hmâh hra.
(2). Târi 28.11.2019 9 pm pa ta Theiri KNP manoh 6, Biatu Pastor 1 nata KNP adviser 1 zy cha atlâh kawpa ta Mission station, Bahguri za tlô ei ta, târi 29 Nov, 2019-pa liata eima râh lâ ama vaw lie ha heih.
(3). Târi 30.11.2019 6pm liata MEM hriatuhpa zydua Evan.Bikash Kari(L) o liata taokheina prog hmapa a châ.
(4). Târi 3.12.2019 pata Holy Grace school cha final examination pathaopa a châ aw. Student zydua rairuna y leipa ta atla kawpa ta exam ama ro thei n’awpata thlahchhâkhei awpa ta maniah ama haw.
- CHAKMA MISSION:
(1). Laki Vaihpi KTP nata KPP Joint zy cha Barapansury liata Work camp hnei ei ta, târi 24. 11. 2019 Sunday kha Borapansury liata Awnanopazy nata rôhnah kawpa program hmâh ei ta, târi 29.11. 2019 lia kha ta Borapansury Awnanopazy châta kyhchhina rôhnah kawpa chhao taopa ta, raizy liahsa ama patlô khai tawhta târi 31. 11. 2019 kha ta Laki lâ ama sie lilaw. Chakma field zy pi ta ama chô liata alyna bie ama reih hmeiseih.
(2). Theiva Awnanopa ta Ugulsury liata Misssion compound fencing tao n’awpa châta Rs. 75,000 baona ama piepa tawhta fencing he hria pathao lymâpa a châ hra.
(3). Edenthar Awnanopazy ta Damlui liata Achhyna O sa awpa ta Work Camp târi 2. 12. 2019 tawhta ama pathao awpa châ ta, Awnanopazy thlahchhâkhei awpa ta maniah amâ haw.
(4). Siaha Vaihpi Awnanopa ta Borapansury liata Missionary Quarter Rs. 4,00,000 (Lakh palih) ta ama sponsored pa cha liahsa sa patlô hapa châ ta, Abeipa ta Siaha Vaihpi Awnanopa byhnâ pie via lymâ mawh sy.
- MISSION THÂTIH LAPAKHYPAZY:
1). ECM & TBCU Farewell Program hmâh: 96th Assembly bie hawhta ECM nata TBCU a hrialâhna cha Târi 31.12.2019 nohta chhâ bâ awpa a châpa vâta Târi 22.11.2019 nohta TBCU Council Hall, Agartala liata ECM Mission Nôpawpazy nata TBCU Nôpawpazy ta Farewell Programme ama hnei. Târi 24.11.2019 noh ta Tripura Evangelical Mission chhao pahy hapa a châ hra.
2). Work Camp hnei: KPP nata KTP, Laki Vaihpi, Chanô 5 nata Chapaw 25 zy ta Chakma Mission Field, Borapansury khih liata Târi 23 – 30.11.2019 chhôhta Missionary Quarter ama sa.
3). Work Camp hnei aw: Edenthar Local Church zy ta târi 3.12.2019 nohta Siaha puasaipa ta Chakma Mission Field, Damlui khih liata Work Camp hneipata Achhyna O ama sa aw.
4). Mission Field tly aw: KPP Branch, Bethel zy ta Târi 6 – 8.12.2019 chhôhta Chakma Mission Field liata Missionary zy nata Awnanopa sahlao tly awpa ta ama sie hra aw.
5). Chakaona report pie: Missionary J. Amos, Nepal Mission Field cha eima râh lia furlough hmâpa ta a y chhôhta Târi 23.11 to 18.12.2019 chhôhta College Vaih nata Amôtlâh Pastor Bia zy liata a chakaona report a pie aw.
- Maraland Gospel Centenary Hospital:
Târi 22 November- 28 November, 2019 chhôh report.
1). Tlâhleipa apamosapa zie – 119
2). Tlâhleipa admitpa zie – 30
3). Ultrasound mopa zie – 49
4). X-Ray – 24
5). ECG mopa zie – 8
6). Endoscopy mopa zie – 10
7). Hawsaih pihpa zie – 2
8). Athipa – 1
9). Emergency Case – 5
10) Operation hneipa zie –1
(Published by J. Lalvarliani on behalf of Communication Department, ECM Assembly. Edited & Published online by BeiRôkhu Beitâ, Admin, Maraland.net)