SIAHA, 3 Di, 2019, Hriaheinoh – Atanoh dawh 2:00 Pm liata Mara Thyutlia Py (MTP) General (Gen.) Headquarters (HQ) Leader thiehpazy nata aparohpazy cha MTP Gen. HQ: Siaha Conference Hall liata aly kawpa ta charge ahlâna hneipa a châ.
He charge ahlâna daihti he Puhpa PP. Zalena, President ta chhihtha ta, Puhpa Khichhô Chozah, outgoing Sr. Vice President ta Khazohpa lâ Programme pavao sana hnei ta, term thiehpa Leader zy châta thlahchhâna chhao a hnei pâ hra.
Charge ahlâna hnei khaipa a châ tawhta Chairman ta biereina ahnei khohpazy châta daihti pahy ta, Puhpa C. Siatha, outgoing General Secretary, Puhpa L. Beirangia, outgoing Vice President, Puhpa Kichhô Chozah, outgoing Sr. Vice President, Puhpa CL. Hranga, outgoing Secretary i/c Info. & Publicity zy ta biereina nata pasyupalina bietana chyupa reina ama hnei chyu.
Puhpa S. Vabeihasa, elected Vice President, Ls. B. Vapawdi, outgoing Treasurer, Puhpa L. Lalduhkima, outgoing Secretary i/c Social Welfare zy cha khitlyna vâta atanoh Charge ahlâna liata hlao thei vei ei.
Puhpa Pahmô Hlychho, elected Secretary i/c Finance, Ls. Golden Mary Solo, elected Treasurer, Puhpa Martin L. Nôhro, elected Sr. Vice President, Puhpa Reuben Hlychho, elected Secretary i/c Games & Sports, Puhpa J. Ngôchyu, elected Secretary i/c Art & Culture, Puhpa Sahlo Bohia, elected Secretary i/c Social Welfare zy ta Term thiehpa siekhei nawpa liata ama khona dâhzy reina ama hnei chyu hra.
Puhpa PP. Zalena, President ta biereina chyupa hnei ta, Term achhâ hapa liata a hrialâhpazy hnoh ta alynabie reih ta, MTP kyhpachâna vâta palôh amâ pasasa hapazy a y pathlei khiah pachâthaina ahaw ta, leader ama châ khao leipa chhao ta MTP Gen. HQ office zy tly lymâpa ta MTP châta pachâna nata hmah lana awpa kyh liata athlachhie leipa ta vaw reih lymâ awpa ta ahawna a tao.
Term thiehpa châta Leader atlypatlohpazy hnoh ta apha kawpa nata zôpha kawpa ta hrialâh awpa ta ahawna tao ta, MTP he veiseih py a châna hawh ta MTP Motto nata Aims & Objectives zy my leipa ta MTP he zachhih kawpa ta asie lymâ thei nawpa ta tiama papua chyu awpa ta ahawna a tao.
Daihti chhâna lâ liata Puhpa PP. Zalena ta Khazohpanlâ alynabie riena thlahchhâna hnei ta, he khai tawhta Charge ahlâna Programme he pachhâsapa a châ.
PRESS RELEASE No.1/2019-2022
Issued by:-
Mara Thyutlia Py
General Headquarters
Siaha.