SIAHA, 4 Di, 2019, Pakhynoh (MNN) – Atanoh dawh 1:30 Pm liata Miss Ngovaw T. Azyu, Miss MSO 2019 alykheina cha Puhpa A. Thazi (Miss Ngovaw Paw) O, Siaha Vaihpi liata alykheina Programme a hmâpa a châ.
Daihti thaona lâ liata Machâ C. Beiza, ECM Siaha Vaihpi Local Church ta Devotion hmâh ta, he khai tawhta St. CH. Beikhochhi, President, MSO Gen. HQ ta biereina chyupa nata pasyupalina biereina a hnei.
Puhpa L. Paly, Principal, ECM Higher Secondary School tawhta biereina chyupa nahthliepa châ hra ta, St. LD. Vabeihruasa, Former President, MSO Gen. HQ tawhta pasyupalina nata biereina chyupa a hnei hra.
Chhôhkha lâ tawhta Puhpa Thaly T. Azyu (Miss Ngôvaw paw laipa) ta biereina chyupa nata alynabie reina a hnei.
He Programme liata Pihnô P. Chaki, President, MCHP Gen. HQ, Puhpa Jeffrey Khara, Editor, Moonlight, Laihsa Maria Lolei Pawpi Chozah, Miss Mara 2019 Contestant, Siaha Vaihpi zy ahlao ei ta, Puhpa A. Thazi, President, Mara Hlasa Py Gen. HQ hrialâhpa tawhta St. Beirokhu Beita (GS), Pp. Vabeihrongia Syhly (Fin. Secy.), Pn. T. Merisa (Secy. i/c Music) zy amâ hlao thei hra.
Miss TT. Johny Florry, Miss MSO 2019 Runner up nata Shalomi Byhnâdaorili, Miss MSO 2019 1st Runner up zy chhao he alykheina Programme liana he ta amâ hlao thei hra.
Miss Ngovaw he ECM Higher Secondary School liata Class-12 achu ngâhaipa a châna hawh ta a classmate nata Teacher zy ta Programme amâ hlaokhei hra.
Alykheina Programme chhâ tawhta zawpi avypakhypa zydua châta chhôhkha lâ tawhta zâpati amâ chhuahnohpa dôh chyupa a châ.
(Admin, MNN)