SIAHA, 7 Di, 2019, Pachynoh (MNN) – Atanoh zâlâ dawh 2:30 Pm liata Miss Beipingia Nôhro, Miss Mara 2019 2nd Runner Up alykheina Programme cha a pa laipa Puhpa N. Khumtira O, New Colony liata ahmâpa a châ.
Programme he Puhpa Zachhia Chhachhai, President, MTP Branch: New Colony ta chhihtha ta, Machâ K. Chhihrau, Asst. Secretary, ECM New Colony Local Church ta Devotion hneipa ta Khazohpa lâ alynabie reina nata thlahchhâna a hnei.
Chhôhkha lâ tawhta Machâ N. Chiakha (Beipingia mahpaw) ta biereina chyupa nata alynabie reina a hnei hra.
He Programme liata Miss Mara 2019 Miss Ephesi Hlychho, Miss Mara 2019 1st Runner Up Miss Teresa Syuhlô zy ahlao ei ta, a vaih chhôh ta ama hneipa Miss Lynapawti Jothyu(Nâthlô) , Miss Maraland Gospel Centenary 2007 chhao â hlao thei hra.
MTP General Headquarters tawhta Puhpa PP. Zalena, President nata a hrialâhpazy ahlao thei ei ta, President ta pasyupalina biereina chyupa a hnei.
MSO General Headquarters tawhta Puhpa Judson KT. Zephatha, General Secretary nata a hrialâhpazy amâ hlao thei hra.
Mara Chanô Py General Headquarters tawhta Pihnô P. Chaki, President nata a hrialâhpazy chhao ahlao thei hra ei ta, Pihnô Chaki ta alykheina bie nata pasyupalina biereina a hnei.
Daihti chhâna lâ liata Puhpa N. Pachhunga (Miss Beipingia paw laipa) ta chhôhkha lâ tawhta Alynabie reina a hnei.
Miss Beipingia he 2nd Runner Up a châ hleikhô ta “Miss Beautiful Eye” sub title a la pâ hra.
Programme chhâ tawhta alykheina châta chhôhkha lâ tawhta zâlâ pati ama pachhuahpanohpa cha aly kawpa ta dôh chyupa a châ.
(Admin, MNN.)