SIAHA, 24 Di, 2019, Hriaheinoh – Atazâ zâ pakhy bâ tawhta dawh 7:45 Pm pa ta pathaopa ta Miss Ephesi, Miss Mara 2019 ta Siaha Civil Hospital nata MGC Hospital zy liata apeimawh kawpazy nata khihsa rairu viapazy hmâ awpa châ ta tahpa ta hmosai piepa sôh hlâna a hnei.
He hmosai piepa hlâna liata MTP General Headquarters tawhta Puhpa Martin L. Nôhro, Sr. Vice President, Puhpa Sahlo Bohia, Secy. i/c Social Welfare, St. Beirokhu Beita, Secy. i/c Info. & Publicity zy ta zi thei hra ei ta, MTP Branch: Siahatlâh tawhta Puhpa J. Kholai, President, Puhpa PK. Miehlo, Vice President, Miss S. Beireisi nata viasa sahlao zy ta ama kaw zi thei hra.
Miss Ephesi he ta zâhnia lâ liana kha ta Tisôpi nata Siahatlâh liata nôpaw uhthei viapazy hnoh ta hmosai piepa hlâna a hnei hra.
Sd/- Secretary
i/c Information & Publicity
MTP Gen. HQ: Siaha.