Kmc. Relly Khithie (L) thâtih tlâhpipa

LAKI, 6 Nawh, 2020, Hriatuanoh – Khichhôh Machâ Relly Khithie he Machâ K. Khatha (L) nata Pihnô K.Hriazai (L) Abeipa tawhta ryuto sôh châ awpa ta, Târi 01.01.1969 Laki khih liata avaw pih, unawh papalih (4) nata sietanô pathôh (3) ama châ, ano he a uthei lâ tawhta reipa ta 5 na a châ. Achuna liata M.A B.Ed. a châ.

Chhôhkha paduana:-

Târi 17.10.2013 noh ta Pihnô B. Zihlua (ECM Mission Co-ordinator) nata, Khazohpa nata Awnanopa pahnokheipa ta Rev.Thylua Hlychho, Moderator ECM Assembly ta, ku patusana hneipa ta chhôhkha ama vaw padua. Atahmâ he Sawchapaw pakha K. Beiryudao ama hnei.

Awnanopa liata chakaona:-

Kô 2015 October liata khihchhôh Machâ châta Laki Pastor Bia ryureina pakhypi @ Laki vaihpi liata Rev.KP Azyu ta a pa-i. Atahmâ he BSI Area Laki liata Secretary rai hriata, KNP Branch Laki Vaihpi Advisor châ ta, Local liata Auditor rai a hria ngâhai, Bâtina pachutuhpa a châ, Pakhypi Board Chairman, Christian Hindi Ministry, Evan Vatia Managing Board Secretary nata, Achhyna O Managing Board Mrmber rai a hria ngâhaipa a chá hra. He hleikhôta KTP Executive Member chakaona rai chhao avaw hria tyhpa a châ.

Local Church ahawna hawhta, ECM Mara Holy Bible Diamond Jubilee 1956 – 2016 a ly na châta, Biehrai, Khazohpa hu so thlupa eima vawhnei laihna dâh tahpa châbu roh ta, Târi 09.20.2016 (Abeipa noh) ta released pa a châ.

A Sermon hnôhchaipa 03.05.2019 “Eima chakaona a tly awpa” Bible text:- Rawma 8:5 Zawsua 24:14. Hla atlypa KHB No.370.

Khichhôh Machâ Relly Khithie he, khihtlâh liata chyhsa tiama kawpa nata,ama phahnai khei ngaitapa châta,Laki MTP Branc President nata Advisor rai chhao vaw hria hapa a châ. MSO Sub-HQ ; Shillong General Secretary rai chhao avaw hria ha hra.

Laki Border High School liata Headmaster rai hriapa ta, Ano liata tlâhleina, aseisiana ahneipa vâta, October 2019 lia khata Thohna lâ siepa ta, Târi 04.01.2020 (Pachyh noh) 09:30 Am BBCI Hospital Guwahati liata, Awnanopa nata chhôhkhazy pasaileina chôta, a chakao tyhpa Abeipa kalâ chhóh lâ ta,miah a pahasai haw.

Thina Poh azawhta akhu haipa,Khichhóh Machâ Relly Khithie cha, Atanoh Târi 06 Nawh 2020 (Hriatua noh) 11:00 Am pa liata,a pahrâ tyhna a Opi tawhta pasaileina chôta pathliepa a châ haw.

Amopâtlâh a châna:-

1.Local Committee papeimawhsapa a châ.

2.Awnanopa tlâhrai a tiamapa chyhsa a châ.

3.Hlâta uthei viapazy biechho dâh a thai kawpa a châ.

4.Hrialâhpa nata â kaolâhpazy aly-ua athai kawpa chyhsa a châ.

5.Awnanopa apakyhna, chareipakhyna liata a tiama kawpa a châ.

6.O dyh a bia a chahlô a tiama kawpa a châ.

7.Awnanopa nata Py liata â piepasai kawpa a châ.

8.Chyhsa papyupahly a thai kawpa chyhsa a châ.

Leave a Reply

Your email address will not be published. Required fields are marked *