SIAHA, 16 Hmypi, 2020, Pahânoh – Ary liata thâtih thiehpazy he târi 9-15, Hmypi, 2020 chhôh ta Evangelical Church of Maraland (ECM) Headquarters (HQ) ry liata General nata Mission thâtih lapakhypazy a châ:-
- MODERATOR:-
Rev. C.Beima, Moderator ECM cha date 15 Feb, 2020 (Pachynoh) –pa ta Chapi Pastor Bia tly awpa ta sie ta, date 17 Feb (Hriatuanoh) liata Siaha lâ â zâ lie heih awpa hnabeiseihpa a châ.
- EXECUTIVE SECRETARY (Mission):-
Rev. T. Salaw, Executive Secretary i/c Mission cha dt. 11 Feb, 2020 kha ta Chakma Mission Field, Borapansury liata Missionary Quarters Khazohpa hnohta hlâna za hnei ta, apalâ kawpa ta dt. 12 Feb ta Siaha lâ â kaw lie heih. Missionary quarter pahypa he size 20” x 30” a châ. Dt. 17 Feb, 2020 (Hriatuanoh) he ta Pâhkao Prayer House chôchâh liata MEC Nôpawpazy nata Meeting hnei awpa ta a sie heih aw.
- ODHISA MISSION:-
(1) Kandhamal Area:
(i). Dt. 9th Feb ’20 khata Sunapanga House Church liata Nô pa kha, Pihnô Lariju Naik nata a sawnah pano zy cha Awnanopa member cha awpa ta aly pangiapa ama châ. Pihnô Lariju Naik he a vahpa nata a chhôhkha hro penawh zy Hindu zyna liata ypa châ ei ta, Awnanopa liata a active tu thei lei awpa zy reih ta, A vahpa nata a chhôhkha hro penawh zyta Kri ama vaw zy thei hra n’awpa ta thlahchhâkhei chyu suh vy.
(ii). Dt. 10th Feb ’20 khata hriatuh penawh zydua ta Midiapanga khih chheipâh liata outreach ministry ama hnei. Midiapanga H/Church member pakha, Sivajini Digal cha Lathli la liata buabâna hneipa châ ta, hriatuhpenawh zyta thata thlahchhâna ama hneipa ngâhaipa a châ. Awnanopa zawpi zy chhaota Sivajini digal châta tlâhna rie hia khei chyu suh vy.
(iii). Bereshit Awnanopa member zy hry liata thokhapazy ta palôh phaleipa phaohpa ama ypa ta pahnopa châta, Abeipa ta ama palôrupa zy panano sala, Abeipa kho dâh hawh ta ama hro zy ama hmâ thei nawpa ta thlahchhâkhei suh vy .
(2). Sambalpur Area:
(i). Local evangelist zy tiamana vâta Tarasing Para, Hirakud liata pahrâpazy Krizyna tawhta hnôh a sypa hapa zy cha Awnanopa zy thlahchhâna vâta odyh 2 zy atahmâ Khazoh noh tawh he ta a vaw pakhy awpa ta bie amâ taih.
(ii). Theophila House Church, Hirakud liata member zy he odyh 27 châ hai ei ta, visit lymâpa ama châ. Chanota a chheipâh liata Hindu sahlao zy chhao amâ vaw pakhy tyh hra, Zisu Krista cha ama beipa nata pachhatuhpa ta amâ py thei n’awpa ta thlahchhâ khei lymâ suh vy.
(iii). Local Evangelist Mihir Dip sawchapawpa Joshua cha tla leipa ta Awnanopa zawpi zy eima thlahchhâna liata athei chyu suh vy.
(iv). Field Director Rev. Stephen Beihrosia nata mission Pastor S. Lamo zy cha târi 16.2.20 zâ ta ECM Assembly ahlao awpa ta Odisha field puasaipa ta Siaha lâ ama kaw sie aw. Eima thlahchhâna liata athei chyu suh vy.
- MISHING MISSION:-
i). Dawh tô (bellfry), Machâ K. Chhuabei & family ta Immanuel, Bahguri liata ama taopa cha patlô hapa a châ. K/Machâ K. Chhuabei & family chô liata MEM chata alyna bie ama reih.
(ii). Mission station chhôh liata footpath chhao taopathipa châta, patlô hapa a châ hra. A kawhna he 30×6 ft a châ.
(iii). Mission compound chhôh liata fencing ramawh ta tao ngâhaipa a châ hra.
(iv). Dt.8.2.2020 pata Immanuel Local Church mahila zyta fasting prayer ama hnei.
- ARUNACHAL MISSION:-
(i). Healing Crusade: Târi 6 – 7 February 2020 chhôh kha ta Tezu Awnanopa ta noh kha(1) nata zâ no(2) tlai healing crusade ama tao. He healing crusade liata avaw hlao theipa he manô sâhkha (1000) hlei tlai ama pha. Krizyh leipa chhao vâro tlai amâ hlao thei. Abeipa ta healing crusade he byhnâ pie ta tlâna hnabeiseihpa ta avaw ngaipa chhao tlâna atopa a ma y hôlô. Ngiapâ thiehla bâti pachâsapa deikua y vei ei.
(ii). Changliang Awnanopa: 11 February 2020 pa liana kha ta Changliang Awnanopa achhyna o building thiepa sa nawpa foundation prayer hneipa a châ. Achhyna o thiepa apha kawpa ta sa lymâpa a châ thei n’awpa châta Awnanopazy thlahchhâkhei awpa ta maniah amâ haw.
(iii). Alyna bie reina: Changliang prayer Centre liata hriatuhpazy thla chareih ama hlao/lymâ awpa châta apasaih kawpa ta sponsor – tuhpazy chô liata eima Beipa Zisu Krista moh ta alyna bie ama reih. 3 February 2020 pa liata ECM HQ (Mission) sie pathliepa ta Sponsor ama hmôpa nata Field Director Arunachal mission Field sie pahliepa ta Sponsor ama hmôna zie cha ary liata palâsapa hawhta a châ:-
(a). Bethany LMB (Nov 2019 – Jan 20)= Rs. 4500.
(aw). K.Macha K. Chhuabei (Dec 2019)= Rs. 4000
(y). Evan Ngôkhe Fachhai (Jan 2020)= Rs. 1000
(b). Evan T.T. Nôkhei (Jan 2020) =Rs. 500
(iv). 5 February, 2020 liana khata Missionary Ngôkhe Fachhai cha atlâh kawpa ta achakaona su Tezu avaw tlô pakhua ha heih. Missionary Ngôkhe Fachhai he a utanô tlâleina vâta noh 16 chhôh tlai Earn leave lapa ta Mawrâh la kaw sie ta, tao byupa zy apasia khai tawhta Arunachal atlô pa khua ha. Thlahchhâ abaotuhpa Awnanopazy chô liata eima Beipa Zisu Krista moh ta alyna bie a reih.
- TRIPURA MISSION:-
(1). January nata February 2020 thla chhôh ta bâtipa zie manôh 17 ama châ.
(2). Achhyna O 2 sa ngâhaipa châ ta, Field Director quarter chhao sa pathao hapa a châ hra.
(3). Achhyna O râh chaleina châta baona pietuhpazy:
(i). Shalom KNP -Rs.50 000 (Saidacherra Evangelical church, Unakoti).
(ii). New Siaha -Rs.50,000 (Jagurlwng Evangelical church, Khowai).
(iv). T. Salem KNP zy cha Tripura field thiehpa atly tua chaipa châpa ta dt.13-14, 2,20 he Agartala, dt.14. Zâ he Sipahijola District fellowship Bisramganj liata hneipa châ awta, dt.15. he Khowai liata my pati niepa ta Dhalai distric liata arie aw eita, Sunday ama hmâh aw.
(4). Atahmâno he missionary zy thata peaching ama hnei hai. Thlaita bâti pachâsa awpa chhao hnabeiseipa a châ.
(5). Local Evangelist châta la thiehpa zy:
(i). Evan. Sailesh Debbarma
(ii). Evan. Ujjal Debbarma.
(iii). Evan. Peter Debbarma.
(iv). Evan. Uday Sankar Debbarma.
(v).Evan. Lalzirmei Kaipeng.
(vi).Evan. Samir debbarma.
- THÂTIH NANO NANO LAPAKHYPAZY:-
- Dt. 9 Feb, 2020 (Abeipanoh) khata MTC Graduation alyna, ECM College Vaih Local Church liata hlaotloh kawpa ta hneipa a châ, Rev. Dr. Santonu K. Patro, Registrar, Senate of Serampore ta he daihti he a kaw hmâkhei. College Vaih Local zy ama deichhyna zydua liata MTC Principal nata Staff zy ta alyna bie ama reih.
- ECM 97th Assembly, ECM Local Church Bethel liata hnei awpa châta achhuahnohna siekhei ngâhaipa a châ, Awnano zawpizy Bethel Awnano châta thlahchhâkhei chyu suh vy.
- ECM Assembly achhuahnoh sie ngâpa liata Assembly Office liata Account Department nata Press & Bookroom liata hriatuhpazy cha Pachyhnoh liata chhao Office kiah awpa ta pahnosapa ama châ.
- KPP Day Ei 11-na cha 20th Feb, 2020 (Pohbiehnoh) heta hmâ awpa a châ. Biepipa “Lâpi thiehpa (Heb. 10:19)” tahpa a châ aw. Alypa nata thapha kawpa ta branch to ta amâ hmâh thei nawpa ta thlahchhâkhei chyu suh vy.
- Pihnô Z. Thangliana W/o Rev. Ithra Tluma (L) ta a châbu ropa “Khazohpa raihria rôhnahpa” tahpa bu cha mission chakaona châta copies 450 tlai mission department pie ta, copy kha he Rs. 100/- a châ. He châbu he copy chyhta ngâlâh y bâ ta, ECM Mission Department tawhta awnano zawpizy chalei chyu sih la, chakaona a châpa vâta a mâ hlâta a sâh/hluh viapa chhaota he châbu he chalei chyu awpa ta ahawpa eima châ.
- MARALAND GOSPEL CENTENARY HOSPITAL:-
Date 6 February – 13 February, 2020 chhôh report.
1). Tlâhleipa âpamosapa zie – 67
2). Tlâhleipa admitpa zie – 16
3). Ultrasound mopa zie – 39
4). X-Ray – 13
5). ECG mopa zie – 13
6). Endoscopy mopa zie – 13
7). Hawsaih pihpa zie -nil
8). Athipa – 2
9). Emergency Case – 7
10) Operation hneipa zie –nil
(Published by J. Lalvarliani on behalf of Communication Department, ECM Assembly. Edited & Published online by BeiRôkhu Beitâ, Admin, Maraland.net/MNN.)