SIAHA, 20 Hmypi, 2020, Pobienoh – Atanoh kha Puhpa N. Zakhai CEM, MADC ta Saikao lâ siepa ta eima Mararâh Missionary hnô chaipa Pihnô Vaili (Rev. VLA. Mark) a tly.
Puhpa N. Zakhai he Puhpa Pachi Hlychho, President, District Court, MADC ta a zi hra.
Eima Missionary he anochareih ta chyhsa hluhpi ta tly tyh ei ta, atyuna zy chyhsa hluh via amâ tlôh thei nawpa ta Puhpa N. Zakhai, CEM nata Puhpa Pachi Hlychho, President, District Court, MADC zy ta dyuchhai (Sofa Set) set 2 tlai ama hlâ.
Puhpa N. Zakhai nata Puhpa Pachi Hlychho zy he ta Pihnô Vaili apakyhna daihti pha kawpa hmâh ei ta, Puhpa Zakhai ta he hawh ta eima Missionary hnôh chaipa tlypa ta hmia a hmô thei vâta â ly zie a reih.
Pihnô Vaili cha vâro tlai tlâh leipa ta azia ha hra sala Awnanopazy thlahchhâkheina vâta Khazohpa ypâna to lymâ ta atahmâ cha pha viana lâ a pangai haw; Rev. L. Mark chhao atlâhpha kawpa ta pahnopa a châ hra.
Lorrain Ville VC nata Biatuhpa Puhpa B. Luaha ta CEM nata ano azipazy châ ta pati pahâh kawpa amâ vaw pachhuapanohpa vâta nata Kaochao ‘E’ VC zy chhaota eima CEM nata team zy châ ta, thopi nata âhmie pahâ ngâsâ pa ama vaw pachhuapanopa hra vâta Puhpa N. Zakhai ta ama hnoh ta alyna bie a reih.
(PRESS RELEASE No.9/2020)
Issued by:-
Information & Publicity Office
Mara Autonomous District Council
Siaha.