THEIRI, 28 Hmypi, 2020, Chutynoh (MNN) – Atanoh kha Tisi Biatuhpa MDC Puhpa Tiahlei Syuhlo, Chairman(Town Committee), MADC hmah lana ta Assam Riffles(AR), Tipa zy ta Theiri khih châta Ti Pump-na khaw cha bôpa ta mopachhina ama hnei.
He Ti ama pump awpa he Theiri nata Tisi likawh chavah (vahtiepa) châ ta, Km. 1 chhaichhyh ahlapa tawhta pump awpa a châ. Theiri tawhta Tisi pangaina lâthlôh; tlâh liata Tipâh laipa litre 5000 atlôhpa sâ 3 chhaichhyh liata pachôpakhypa ta Theiri lâ pie(supply) awpa a châ.
He Ti pump-na liata sôh zydua he AR tawhta amâ vaw tôhpa sai châ ta, Puhpa Tiahlei hmah lana nata tiama zawhzi vâ deita ta apitloh theipa a châ.
Theiri he Ti rairuna athata châta, atlyta liata ECM KTP Pakhypi vyuhpa Ryureina, Theiri liata hneipa daihti liata chhao Ti lâta rairuna pathlâ awpa ta Puhpa Tiahlei he ta Motor laipa hmâpa ta Ti thai tlâh-rai a za hria heih hrapa a châ.
He Ti pump-na khaw he pahyna hnei hlei leipa ta atanoh tawhta noh 2/3 chhôh liata hmâ thei awpa ta apatoh patiapa a châ.
(Admin, MNN. Source: Puhpa Tiahlei Syuhlo.)