NEW DELHI, 4 Pamih, 2020, Pakhynoh (MNN) – Indian Council of Agricultural Research (ICAR) – Indian Agricultural Research Institute (IARI) ta India râh liata ku raihriapa ta nie atluapa hlaotlohpazy hnoh ta arai tyhpa IARI Innovative Farmer Award 2020 cha zâhnia târi noh 3.3.2020 liana khata New Delhi liata Pusa Krishi Vigyan Mela 2020 liata raipa châta, Marasaw tawhta apakhana nata Mizoram State tawhta a pano na châta Puhpa M. Hrangmawia, Siata chhao award hlâpa a châ hra.
Puhpa M. Hrangmawia he Marasaw tawhta ku raihriapa liata ahlaotloh chaipa, India râh chhôh zydua liata farmer award adaopha theipa eima hneipa he a rônah hleikhô ta pasâhsa achhih hmeisei.
Ary liata palâsapazy he kô 2018-19 chhôhta a hmo hneipa nata sôh ala pangiapazy a châ (Courtesy: KVK Siaha)
1. Seih – 250
2. Viachao – 30
3. Mie – 30
4. Mietakupa – 17
5. Vao – 3
6. Arâ – 8
7. Awh – 47
Chi cheipa Iphô, Siathlu, Rotu zy tawhta 2018-19 chhôhta Rs.61,700/- nata sahroh tawhta Rs.21,70,000/- ala pangia.
Puhpa M. Hrangmawia award adaona liana heta khih lâ tawhta ama nô hleikhô ta HQ, Delhi chhihtuhpazy St. KT. Beiryudaosa, General Secretary; Ls. Venisia Khaimeichhô, Education Secretary; Ls. Beihniazi Khithie, Welfare Secretary nata St. Engthawla Bôhia, Executive Committee Member zyta ama chakaochahlâ.
(Admin, MNN)