DELHI, 19 Pamih, 2020, Pobienoh (MNN) – Atazâ dawh 8:00 Pm liata Puhpa Narendra Modi, Prime Minister (PM) of India ta India zawpi hnoh ta DD siepahliepa ta Coronavirus chôchâh liata minute 30 rachhôh biereina a hnei.
A biereina liata Coronavirus thohna he atanoh taihta hmôpapuapa châ mâh leipa ta, chavâta avaina he thohna pha chaipa hawh ta a reih.
Covid-19 avai nawpa ta hmah la tuhpa zydua hnoh ta alynabie reih ta, he hri chichhihpa he sawhkhâ, media chyhsazy, police, medical chyhsazy, NGOs nata zawpi ta eimâ dyuh awpa a châ tah ta, zawpi deikua âtymâna zie ta y leipa ta mo hropa châta rairuna tao tuhpa châ leipa ta O lâ liata y hluh awpa nata asohsi awpa ta ahawna a tao.
He hleikhô ta târi 22-3-2020, Pahânoh he JANATA CURFEW phuah ta, my dawh 7:00 Am tawhta zâ dawh 9:00 Pm taihta ahy hmahta pua tlâ lei awpa a châ.
He curfew he Coronavirus avaina vâta sawhkhâ chyhsa duty pazy cha pahly aw vei.
PM chata kô uhthei kawpazy cha asohsi pachai awpa ta ahaw ta, chyhsa hropa nahta apahlao hlao hluh lei (social distancing) awpa ta India chyhsazy bie a ta.
A bieta hropa thokhazy:-
- State & Central Gov’t tawhta pahruana(advise) a ypa zydua zyh awpa.
- Routine Check up tao awpa ta Hospital lâ vaw lei awpa.
- Routine peimawh kawpazy chhao pasie khai chy awpa.
- Economy rairuna a tlôkheipazy mohôh awpa ta Covid-19 Economic Task Force padua aw.
- Atahmâhlâ Staff absent pa zy ama hlao kâh lei awpa.
- Nohto peimawhpa chalei pakhy lei awpa; niedo liata rairuna y aw vei.
NOTE: Achô liatahpazy he a PM bierei tlâhpi viapa, Times Now TV news tawhta la pachhuahpa a châ.
(Admin, MNN. Source: DD via Times Now.)