SIAHA, 20 Pamih, 2020, Chutynoh – Atahmâhlâ khizawpi ta eima buakheipa Coronavirus Disease 2019 (COVID-19), pasana hri chichhih kawpa cha India râh lia chhao chyhsa 200 hlei ta kiah/vei ha ei ta, Mizoram State nata eima District liata hri hmôpa y mâh vei hrasala avaina he thohna pha chaipa a châpa hawh ta MADC Area chhôh liata zawpizy, he pasana hri tawhta eimâ vaw boh thei nawpa ta akhokhei pi ta, avaina châ ta ary liata palâsapazy he eima vaw pahno awpa nata eima zy chyu awpa ta Puhpa P. Sama, Executive Secretary, MADC (Memo No.MADC.5/I & P-MISC/2018-19) tawhta ahawpa nata pahnosapa eima châ:-
- Coronavirus alâpapuana tlâhpipa zy:- Chasipa, Pakhupa (Dâh hipa), Huso rietheipa, Py ypahâleipa, Chhôpatlaipa, Pôhpa sa pasapa. He hawh ta eima duahmo a châ khiah biehneituhpa lâ ta thlai apahnosa awpa.
- Apeimawh kaw leipa ta cha khi tlyh tlâ mâh lei awpa; Telephone zy he hmâ phahnai awpa châ ta, pôhpa cheingei khi tlyh chakhyh lei awpa.
- Kupatupa ta anaoh (Chibai) lei awpa châ ta, khôtho lâ puana daihti maih liata hmia pahlyna (Face mask) hmâh awpa.
- Vâtlâh apôpakhypa (Meeting) pahrua mâh lei awpa châ ta, tournament, tlâhrai hria nata Conference zy tao tlâ mâh lei awpa.
- Pachih pachhao chakhyh lei awpa châ ta, eima Pakhu/Hâthih daihti liata eima pakah eima chahu cheingei awpa a châ.
- Ku ti nata sâhbaw ta pasi awpa châ ta, second 20 chhâ ku chamao awpa a châ.
- COVID-19 pasana ahneipa râh/State tawhta eima râh lâ avaw tlôpazy cha ama vaw tlô noh tawhta noh 14 chhâ eima o chyu liata tlyma, sawhkhâ o rao eih pa liata tlyma so panano awpa a châ. He he pasana ahnei leipazy chhao ta ama zyh cheingei awpa a châ.
- Additional District Magistrate, Siaha tawhta bie puapa {Vide No. 15015/1/2017-AC (s)} hawhta Nohaotlâh, Lôbô, Iana, Siasi, Chapi, Zyhno, Khopai, Laki, Khaikhy, Lômasu, Lodaw zy nata Myanmar likawh asiepahlienazy cha khaw hapa a châ. Bie heihpa a y hlâ via cha ahy hmahta siepahlie pasaipa châ vei. He he nochhi & notla Mara zy ta zyh chyu awpa a châ aw.
- Coronavirus hri akia awpa ta eima pangiasapa ama y pathlei khiah cha achatliena lâta biehneituhpazy thlai pahnosa awpa a châ.
- Kahrao saohna chô ta khôtho lâ pua lei awpa châ ta, kahrao nata COVID-19 akiahpa/Aveipa pangiasapa kiahpâh lia rai rai y lei awpa.
- Râh hro lâ tawhta avaw tlô/vypa eima pahnopa ama y khiatala Health Worker, VCP & NGOs Leader zy thlai pahnosa awpa a châ.
- Râhsa nata Pavawsa nie mâh lei awpa châ ta, eima niepa chhao ta asyuh pha kaw pa ta chho awpa a châ.
COVID-19 chôchâh liata rairuna ahneipa nata pahnosana tao awpa ahneipazy ary liatahpazy hnoh ta hiahri/pahnosa awpa a châ:-
Medical Officers, GoM:-
(i). Dr. C. Hnichho, CMO
- 9436149663/8730976477
(ii). Dr. C. Lalrosanga, DMS
- 9436151752/7085629978
(iii). Dr. K. Rakhu, DSO,
- 8424957605/9436149303
(iv). Dr. Lalnunziri, SMO,
- 9436149127/8413951315
(v). Dr. S. Beihrokhu, MO
- 8131981676/9402537081
I & P Department, MADC:-
(i). Beirôkhu Beitâ, I & PO, MADC
- 9612730998/9402185376
(PRESS RELEASE No.16/2020)
Issued by:-
Information & Publicity Office
Mara Autonomous District Council
Siaha.