SIAHA, 1st April, 2020 – Atanoh Pakhynoh dawh 1:00 Pm khata Rev. Dr. FC.Beichô, Moderator ECM Assembly chhihthana ry liata eima Awnano Nôpawpazy (Church Officers) parohpa nata thiehpazy charge-hlâna program hneipa a châ. Eima Nôpawpa parohpazy – Rev. Dr. Laiu Fachhai, Rev. Dr. S.T.Zawsi, Rev. T.Salaw zy tawhta khokheina nata pasyuna pha ngâsâpa ama reih khô lâta, eima Nôpawpa thiehpazy – Rev. VL.Ngaia Hlychho SES, Rev. K.Laichhua Azyu, ES (Edn) zy tawhta biereina phapa eima Awnanopa châta hmiasai (vision) pha ngâsâpa nata Nôpawpa parohpazy deichhyna khâ âmâ ngiah awpazie zy ama reih hra.
Charge-hlâna program liana heta ECM Assembly Deptt. pachhuahpanohpa ta eima Nôpawpa parohpa nata thiehpazy khokheina nata pathliena châta Mara Poh Rev. Dr. FC.Beichô, Moderator ta a hlâ chyu ei.
He Charge-hlâna liana heta Rev. Pheitha Lava, ES (Missions) cha Covid-19 vâta a ahlao thei leipa ta, ano vyuhpa ta Rev. VL.Ngaia Hlychho, SES ta charge a lapa. Covid-19 vâ pyly nata sawhkhâ reingiana vâta Charge-hlâna program liana heta ECM HA (Gen), Coordinator thokha nata ECM Staff thokhazy ta he program he amâ hlao thei.
Rev. B.Beilua, Moderator Elect ECM Assembly ta pasyuna chyupa a hnei khô lâta, thlahchhâha nata byhnâ-awna ta charge-hlâna program he a pachhâsa. He programme chhâ tawhta heta SES parohpa Rev. Dr. Laiu Fachhai nata thiehpa Rev. VL.Ngaia Hlychho cha SES room liata Files nata hmohlâna ama hnei pâ hra, he program châta Machâ CL. Khulua, Statistician, ECM Assembly ta thlahchhâna a hneipa ei. Zâlâ pati dôhkhohna hneipa a châ hra.
(Published by: Media Deptt. (EMM) under Communication, ECM Assembly.)