SIAHA, 3 Pachawh, 2020, Chutynoh – Ary liata palâsapazy he Covid-19 hria chi chhihpa adyuhna/avaina châta atanoh taihta Mara Autonomous District Council (MADC) hmalana tlâhpipazy a châ:-
- Siaha District liata District Task Force on Covid-19 Outbreak Committee âduapa pahnopa a châ tawhta abyuhna nata ângiahna liata hmâ awpa ta Rs.1,00,000/- (Rupees one lakh) cha District Task Force Chairman & Siaha DC Puhpa Bhupesh Chaudhary, IAS hnoh ta hlâpa a châ.
- Covid-19 adyuhna kyh liata hma hlapazy deichhyna nata Covid-19 avaina vâta rai ahria/ala theikhaoleipa, niebaw rairuna atyh thei awpazy deichhyna châta MDC Constituency to liata biatuhpa MDC zy ta Village/Local Task Force Committee siepahliepa ta Rs.80,000/- – Rs.1.00 Lakhs chyuraipa a châ.
- MADC ry liata rai hria ngâhaipa zydua ama thla 1 (March 2020) hlao tawhta 3% chyu, CEM’s Relief Fund châta thyu chyupa châta, he sôh he Covid-19 vâta niebaw rairu na atyh theipazy deichhyna châta hmâ awpa a châ.
- MADC Officers Association ta apeimawhpa nata ângiahpazy liata hmâ awpa ta Rs.1.00 Lakhs cha MTP General Headquarters hnoh ta ama bao.
- MADC Federation tawhta District Level Task Force liata Rs.1.00 Lakh baona ama pie.
- MADC Drivers’ Association zy ta Covid-19 adyuhna châta MTP General Headquarters liata Rs.10,000/- baona ama pie.
- MADC ta sawhkhâ bie hawh ta Total Lockdown cha apha kawpa ta zyh ta, lie thei leipa ta Office kia byuhpazy châ ta Office tlymia liata ku asina ti nata sâhbaw sopa a châ.
- Siahatlâh liata MDC Hostel cha Quarantine su châta pahmâsa chypa a châ.
- Sanitation, Local Administration Department ta nohchareih apuapa thy/pathaina rai ama hria pazao lymâ.
He hleikhô ta Covid-19 adyuhna awpa kyh liata abyuhna nata ângiahna hawh ta MADC he ta hmah la lymâ aw ta, niebaw rairuna atyhpazy deichhyna rai chhao, a theina hawh ta a hrialymâ aw.
(PRESS RELEASE No.20/2020)
Issued by:-
Information & Publicity Office
Mara Autonomous District Council
Siaha