NEW DELHI, 11 Pachawh, 2020 (MNN) – Prime Minister Narendra Modi ta atanoh kha COVID-19 hri avaina kyh reipahmaoh awpa ta chief minister(CM) 13 rachhôh zy cha Video Conferencing hnei khei ta, he liata CM zy ta Lockdown daihti pahsisa (extend) awpa ta ama khona zie ama reih chyu.
Atahmâ ta siekhei ngâhaipa Lockdown he târi 14-4-2020 liata achhâ awpa châ taraw ta, hrona pabohsa awpa he PM Modi ta a pachâ peimawhpa a châ vâta State lâta CM zy â saohiahpa a châpa ta pahnopa a châ.
Hâta ei 3 a khô hapa liata Lockdown phuah daihti liata Modi ta (chyhsa) Hrona a y lei khiah Khizaw chhao he y aw vei a vaw tah ngâpa a châ.
Atanoh liata Meeting chhâna lâ liata a bie reipa cha Lockdown he ta Business thata a paraopa vâta “Hrona nata Khihsa tôtuhna liata âpasipadina/phusâ hmâdâh thainazy he apeimawhpa a châ” (both life and economy are important) tahpa ta reih ta, eima hrona he eima theina rakha chyu hawh ta pabohsa awpa nata khihsa tôtuna liata âpasipadi thai kaw awpa apeimawh zie a reih.
Hâta ei 2 chhôh Lockdown extend awpa chôchâh reina liata, he meeting liata ahlaopazy ama khonazy pahnopa ta nata Second State zy pachâna la khai tawhta biechhâna cha Central sawhkhâ ta zawpi lâ pahnosana official announcement, guidelines chhao ta phuah heih awpa ta hnabeiseihpa a châ.
Maharashtra deikua April 30 taihta amâ Lockdown aw tahpa ama phuah.
Eima râh liata Lockdown he zawpi ta pachâ peimawh kaw pi ta, atanoh taihta sawhkhâ bie eima zyh pha lymâpa ta pahnopa a châ; he hleikhô ta DLTF/VLTF zy sawhkhâ bie hawh ta hmah la lymâ ei ta, NGOs zy chhao ama theina chyu hawh ta sawhkhâ ama hrialâh lymâ hra.
Lockdown ei 2-na he hâta ei 2 ô awpa a châ no ta târi 30 Pachawh(April), 2020 taihta a ô awpa ta pangiasaoa a châ.
He hawhta a châ khiah Curfew (22-3-2020, Sun.) noh tawhta reipa ta lockdown ei 2-na chhâna (30-4-2020, Thu.) taihta cha noh 40 chhôh eimâ hraikhôh tahna a châ aw.
(Admin, MNN. Source: NDTV)