SIAHA, 13 Pachawh, 2020, Hriatuanoh – Mara Thyutlia Py (MTP) General (Gen.) Headquarters (HQ) : Siaha ta Covid-19 adyuhna châta sôh hmôpa atlohpakhypa tawhta MTP Sub-Headquarters (HQ) nata Branch zy hnoh ta he hawh ta sôh baona a pie papua:-
- Sub-HQs = ₹.10,000/-
- Branches = ₹.3,000/-
MTP General HQ ry liata Branch 15 y ta, Sub-HQ ry liata Branch 56 a y. Branch zydua total 71 a y.
Siaha Town chhôh liata MTP Branch zydua he Gen. HQ ry liata y ta, Tisôpi(Old & New) nata Thosaih Branch zy he Gen. HQ ry liata a ypa ama châ hra.
He baona sôh he, Gen. HQ ry liata Branch zy ta amâ ryhpaohna hawh ta HQ Office lia nata Branch Office lâ liata raihpa châ ei ta, Sub-HQ ry liatahpazy deikua Gen. HQ ta Sub-HQ nôpawpazy lâ hlâ aw ta, Sub-HQ nôpawpazy ta ama ôna chhôh liata Branch zy lâ liata ama raih pachhuah heih hra aw.
Sub-HQ nata Branch nôpawpa, Siaha lâ khi akaw tlyhpazy ta cha MTP Gen. HQ Office liata ama pado hra.
MTP General HQ he ta Covid-19 adyuhna liata sawhkhâ bie hawhta nata zawpi zy aboh thei nawpa ta chakaona rai hria lymâ aw ta, apeimawhna nata ângiahna hawh ta a theina hawh ta hmah ala lymâ aw.
MTP Gen. HQ ta Branch lâ ta he hawhta baona a piepa he Sub-HQ nata Branch zy ta Covid-19 adyuhna kyh liata atanoh taihta pa-ei pachhia leipa ta kheihawhpa rairuna rai, MTP kawpa ta ama chatôh lymâ vâta charoh deichakana nata alynabie reina châta sôh chyhta avaw ngiapa tawhta rairuahna a vaw taopa a châ.
(PRESS RELEASE No.2/2020)
Issued by:-
Mara Thyutlia Py
General Headquarters
Siaha.