SIAHA, 26 Pachawh, 2020, Pahânoh (maraland.net) – Atanoh taihta India râh liata Corona Virus Disease 2019 (COVID-19), novel virus akiah/avei hapazy (confirmed cases) cha maluh 26,917 châ ei ta, he liata manôh 5914 zy ta tlâh (recoved) pakhuah ei ta, manôh 826 zy ama thi(death) haw.
Confirmed case 26,917 liata 312 zy cha State lâ ta pasia via ngâ haipa a châ.
Atanoh taihta India râh liata ama vei hluh chaina State cha Maharashtra châ ta, manôh 7628 zy ta vei ei ta, manôh 1076 zy tlâh pakhuahpa ta manôh 323 ama thi. Maharashtra apazipa he Gujarat châei ta, manôh 3071 zy ta vei ei ta, manôh 282 zy ta recovered pa ta manôh 133 ama thi.
State hry liata avei chyh chaipa cha Mizoram châ ta, manôh pakha ta vei ta, atahmâ he mohôh ngâhaipa a châ.
Apazipa liata Manipur châ ei ta, Manipur, Tripura, Arunachal Pradesh zy ta pazipa ta manôh pa 2 chyu va vei ei ta, Arunachal Pradesh tawhtapa deikua mo pakha a tlâh pakhua haw.
India râh liata COVID-19 hri chichhihpa â vaw ngiapa ta pahnopa a châ tawhta târi 22 March, 2020, Khazoh noh ta India râ pôpalôhpa ta Curfew phuahpa châ ta, he khai tawhta noh 21 chhôh ô awpa ta Lockdown phuah heihpa a châ.
He noh 21 chhôh Lockdown he âdaih leipa ta pahnopa a châ vâta ei 2-na châta târi 15 April, 2020 tawhta târi 3 May, 2020 taihta ô awpa ta, atahmâ he, Lockdown pazao ngâhaipa a châ.
(Written by: Admin, Maraland.net)