SIAHA, 27 Pachawh, 2020 – Atanoh kha Puhpa Bhupesh Chaudhary IAS, Siaha DC nata Siaha District Disaster Management Authority Chairman a châ pâpa ta Siaha town chhôh liata Quarantine Centre zy asuzy tlypa ta a mohpasia.
Patôh(may) 3, 2020, Lockdown 2.0 khôlâ ta Siaha District chyhsazy, State khôtho lâ tawhta kaw tlô thei awpa vaw châ ha ei sala, ama kaw tlô ti ta ano-eihta pa-ysa/so ama byuh awpa vâta Quarantine Centre zy cha asu tlypa ta hmâ tlâh achâ nahta châlei a mohpasiapa a châ.
Atahmâ he Siaha town chhôh liata Quarantine Centre châta hmâ awpa building sâ 7 atlypapuapa y ta, a zydua ta hmâ tlâh a châ khaipa ta pahnopa a châ. He Quarantine Centre zy liata chyhsa 230 amâ tlôh aw.
Siaha town chhôh liata Quarantine Centre zy nata chyhsa y theinaziezy:
1). DPRC (SIRD) Building, Meisavaih – 41
2). ITI Hostel, Meisatlâh – 19
3). DIET Building, College Vaih – 28
4). MDC Hostel, Siahatlâh – 39
5). PWD IB, Siahatlâh – 8
6). Tourist Lodge, New Siaha – 51
7). Gov’t Saiha College Girls’ Hostel, College Vaih – 44
He nahzy hleikhô ta Tipa RD Block ry liata ypazy châta Tipa khih liata Quarantine Centre sâ 3 y ta, a zydua pahlyhpa ta chyhsa 33 y theina a châ.
He hawhna he ta Siaha District liata Quarantine Centre 10 y ta, a zydua ta chyhsa 263 quarantine y theina patoh patia hapa a châ.
(PRESS RELEASE No.30/2020)
Issued by:-
Information & Publicity Department
Mara Autonomous District Council
Siaha