Siaha tawhta paphaopa Sample mylâ moh aw

SIAHA, 7 Chhiepa, 2020, Khazonoh – Swap sample, Siaha tawhta ZMC lâ paphaopazy atanoh test awpa tahpa a châ tarawpa ta, ryhpaoh leina vâta mylâ Test pa a châ aw tahpa bie daopa a châ.

Siaha Hospital Isolation Ward liata ypa chyhsa pa 5 Swab sample, Test awpa ta paphaopa Result deikua atazâ pahno thei awpa hawhta reipa nata hnabeiseihpa a châ.

Sawhkhâ ryhraona liata cha Pobienoh nata Khazonoh he Siaha District châta Swab Sample mona noh châta raopa a châ.

Atanoh liata Siaha District tawhta paphaopa Sample ama mo thei leina chhâpa deikua reipasiana a y lei vâta, he news eima tao nona he ta pahno theipa châ mâh vei.

Mararâh zawpi ta eima Mara chyhsa – Quarantine Facility (QF) su liata a y ngâhaipazy châta Khazohpa lâ thlahchhâna daihti phapa eima hnei via chypa he Awnanopazy ta diathlâ leipa ta thlahchhâ tiama ei suh u.

QF su liata a y haipazy chhao ta asohsi kawpa ta nata Social Distancing zy pachâ peimawh ei si la, khatino rai Mask apaky khai awpa ta eimâ pasyu chanei.

Avaina he Thohna pha chaipa châ tlôh ta !!

(Admin, maraland.net. News Source: DIPRO/CMO Siaha.)

Leave a Reply

Your email address will not be published. Required fields are marked *