SIAHA, 11 Chhiepa, 2020, Pobienoh – Atanoh kha rai hriana vâ nata châ chuna vâta Bangalore liata avaw y tyhpa Siaha District chyhsazy ta Siaha khichhôh liata Quarantine Centre sâ 6 liata inmate zy ahmie awpa Vaosa ama pie.
Siaha District tawhta Bangalore liata avaw y tyhpazy ta WhatsApp Group pahy ei ta, he Group liata member zy ta sôh thyupakhy chyupa ta Vao pôhpa sâ 1 chalei ei ta, atanoh kha raipa a châ.
He ahmie he, Ex-Bangalorean zy bie pathlupa hawh ta Bangalore tawhta eima râh lâ akaw liepa zy ama yna Quarantine Centre anuapa châ ta, he Quarantine Centre liazy ta Bangalore tawhta akaw liepazy ama y ngâ hai:-
- Ebenezer Achhyna O, New Colony
- SIRD, Meisavaih
- ECM H/S School, ECM Vaih
- DMS, New Siaha
- UPC NEI Hall, New Siaha
- LIKBK Hall, New Siaha
Ex-Bangalorean zy he group liata member 100 hlei ama y tarawpa ta Chyhsa hluhpi ta apazi laih awpa â ryh lei vâta Leader Beirôkhu Beitâ chhihthana ry liata Chanô pa 2 nata Chapaw pa 4 zy ta ama raih.
Amâ hlaichhuna liata VLTF zy ta pahno thai kawpa ta ama lâpi ama vaw pahypa vâta Ex-Bangalorean zy he ta alynabie ama reih.
Bangalore tawhta akaw liepa thokhazy cha Tipa Quarantine Centre liata y chielie ei ta, ha nahzy hnoh ta chhao amâ hmie awpa ei kha chhâ patohpatia amâ chhuah heih hra.
Atahmâno he Bangalore tawhta akaw liepa zy, Siaha liata Quarantine Facility Centre sâ 6 liata maluh 125 y ngâ hai ei ta, Tipa liata pa 12 ama y ngâ hai hra.
(Admin, MNN. Source: Ex-Bangalorean WhatsApp Group.)