MTP ta Nelson K. Beizachhi taokheina hnei aw

• 

SIAHA, 24 Chhiepa, 2020, Pakhynoh – MTP General Headquarters biepuapa Press Release No. 46/2020 dated 17.6.2010 bie hawh ta border duty-na su tawhta tlâh leina alapa ta miah apahâsai hapa vâchhiepa Nelson K. Beizachhi (L) taokheina cha târi 30.6.2020, Hriaheinoh liata MTP ta Khopai khih liata hneipa a châ aw .

Taokheina hnei nawpa dâh he hawhta ryraona taopa a châ:-

1. MTP General Headquarters chhihthana ry liata MTP General Headquarters nata MTP Sub-Headquarters ta âraohpa ta taokheina hnei awpa a châ aw.
2. MTP members, saiheina palâsa khohpazy châta lâpi pahypa awpa ta paryhsapa châ ta, Sub-Headquarters ôna chhôh liata Branch zy cha ama Sub-Headquarters leader zy ku liata saiheina châta baona sôh ama pangia awpa a châ aw.

Headquarters ôna chhôh liata Branch zy cha Headquarters Opi liata pangia awpa a châ hra aw.

1. Pandemic daihti a châ vâta chyhsa hluhpi ta apôhpakhy awpa pasaipa a châ leina hawh ta Sub-Headquarters zy tawhta Leader pa 3 chyu athao awpa a châ aw.
2. Nelson K. Beizachhih athei thlâhna châta Sub-Headquarters moh ta, â thei khiah Citation tao chyu awpa ta eimâ haw.
3. Târi 30-6-2020, Hriaheinoh liata Taokheina hnei awpa a châ vâta Tb he noh châta apatohpatia chyu awpa a châ aw. Saiheina pamosana châta baona sôh chhao, he daihti hlâta Branch zy ta Headquarters & Sub-Headquarters liata pangia khai awpa ta eimâ haw.
4. Mo pakha tawhta Nelson K. Beizachhi saiheina nata zana pamosana châta baona sôh apie khohpazy châta lâpi pahy awpa abyuhpa ta pahnopa a châ vâta MTP Branch zydua ta, eima Branch chyu liata member zy hnoh ta pahnosana tao chyu awpa ta pahnosapa nata ahawpa eima châ.
5. Taokheina Programme details deikua apahnosa heihpa a châ aw.

Nelson K. Beizachhi he eima MTP Member active kawpa a châ hleikhô ta MTP moh ta râhri liata Mararâh châta COVID-19 hri avaina châta tiama kawpa ta a duty lymâpa châ ta, adaihti lei kawpa ta miah â pahâsaipa he Mararâh MTP manôh zydua ta eima tha pasa ta, eima taokheina pamosana châta he Programme he pachhuahpanohpa a châ.

Mararâh MTP manôh zydua ta he Programme he pachâ peimawhpa ta ahlao tloh thei nawpa ta eima tao theina lâpi ypa liata phahnai ngiah kawpa ta tiama papua chyu awpa ta eimâ haw hmeiseih.

Sd/- Secretary:-
i/c Information & Publicity
Mara Thyutlia Py
General Headquarters
Siaha