MTP General Headquarters ta Nelson K. Beizachhi taokheina hnei

SIAHA, 30 Chhiepa, 2020 – Atanoh dawh 12:00 Pm kha ta COVID-19 duty na tawhta pasana alapa ta târi 15-5-2020 liata miah apahâsai hapa St. Nelson K. Beizachhi (L), 19, S/o Puhpa K. Thlacho, Khopai cha Mara Thyutlia zydua vyuhpa ta MTP General Headquarters: Siaha nata Sub-Headquarters sâ 6 – Saikao, Phura, Tipa, Chakhei, Chhaolo, Amôtlâh nôpawpazy ta taokheina hneipa a châ.

Taokheina Programme he Khopai Community Hall liata ahmâpa châ ta, Puhpa PP. Zalena, President, MTP General Headquarters ta a chhihtha.

Zawpi ta adua hmahta munite sâ 1 chhôh achalihpa ta Nelson K. Beizachhi chhôhkhazy taokheina nata Nelson K. Beizachhi zana hlâpa châ ta, he khai tawhta Puhpa Pakhaw Chozah, General Secretary, MTP General Headquarters ta “Condolence Prayer” daihti a hmâh pazi.

Revd. NC. Vabeilua, Senior Adviser, MTP General Headquarters ta thlalohna bietapa reina a hnei khai tawhta Paw Puhpa K. Thlacho hnoh ta taokheina sôh nata hmo hlâna hneipa a châ.

MTP General Headquarters nata MTP Sub-Headquarters tawhta taokheina sôh atlohpakhypa he Rs.5,60,170/- châ ta, hmo lâta Tipâh litre 2000 pa nata dawbeih kha 10-pa zy chhao ta hlâ pâpa a châ hra.

MTP General Headquarters: Sabyh (Myanmar) zy ta COVID-19 vâta he taokheina Programme liata amâ zâ hlao thei leips cha pei ama tah zie, phone call liata za reih ei ta, taokheina nata ama pasai leina palâsana châta Ryuchâ (Citation) print awpa ta za paphao ei ta, he Programme liata Laihsa Golden Mary Solo, Treasurer, MTP General Headquarters: Siaha ta yru chhôhkha hnoh ta hlâna a hnei pâ hra.

(PRESS RELEASE No.64/2020)

Issued by:-
Mara Thyutlia Py
General Headquarters
Siaha.

Leave a Reply

Your email address will not be published. Required fields are marked *