SIAHA, 4 Khihpa, 2020 – Atamy kha LAD, MADC pachhuahpanohpa ta Legal Metrology, Siaha zy chhao ta Siaha khih liata sathiepazy rate do leipa nata khopathliahna ado leipazy mo pasia awpa ta Joint inspection hneipa a châ.
Asu liata patupazy cha târi 7-7-2020, Hriaheinoh liata MADC office liata areipasia awpa ta pahnosana châ piepa châ ei ta, ama case reita pacheisapa ama châ hra.
He inspection liata MADC LAD tawhta S.O, A.S.O nata S.I, Market Checker zydua ahlao khai ei ta; Legal Metrology, Siaha tawhta Inspector nata staff pakha zy ahlao thei ei ta; Siaha Police deikua staff adaih leina vâta abyuhna lia maihta call thei awpa ta ama y hra.
Eima Mararâh khihpi thâ apachhie thei tuhpa nata thâ apapha thei tuhpa cha Zawpi (Consumer) zy he eima châ; chavâta zawpizy chhaota O lâta sathiepazy pangaipa ta rate do leipa nata kg tloh leipa ta chalei khao lei awpa ta amâ haw hra.
He hawhta Sawhkhâ nata zawpi ta eima hria paraoh lymâpa sa kg chhao avaw tloh cheingei aw tahpa hnabeiseihpa ta MADC LAD ta hmah a lapa châ ta, he khopathliahna kyh he atanoh ngâlâh dei châ leipa ta hmah a la pazao lymâ aw tahpa Puhpa Henry PL. Hnaihly, SO, MADC ta a reih.
(PRESS RELEASE No.96/2020)
Issued by:-
Information & Public Relations Department
Mara Autonomous District Council
Siaha