Siaha, 4 Thlazoh, 2020 – Atanoh zâlâ dawh 2:00 Pm khata District Hospital Conference Hall-liata TrueNAT Laboratory nata 10KVA Generator pahyna hleikhôta, Mini Fridge hlâna apakhyna hneipa a châ.
Daihti he Dr.C.Lalrosanga, DMS ta chhihthapa ta, Puhpa Bhupesh Chaudhary IAS DC Siaha cha khichhailaipa châpa ta, TrueNAT Lab nata 10KVA Generator pahypa ta, Mini Fridge 4 district Hospital hnohta hlâna a hnei pâ.
He TrueNAT Laboratory pahyna programme-liata biereina hneipa ta, Puhpa Bhupesh chata TrueNAT Labaratory pahy theipa a châpa cha aly â chhih hmeiseih tahpa ta. TrueNAT chata Covid-19 hri dei châ leipa ta, pasana hri nano nanopa 15 rachhôh tlai a mohpasia thei awpa vâta a pamosa awpa ta district khôtho lâ eima sie awpa a ngiah khao aw vei, a ta. Siaha medical team hnohta Covid-19 adyuhna kyh liata ama hriapasana nata apiepasana kyh liata alynabie reihpa ta,
Covid-19 adyuhna kyh liata zawpi chhao palôh a raoh kawpa ta keih eima chakâpa vâta Khazohpa chhaota byhnâ a piepa ta a pahnonazie a rei.
DC ta Mini Fridge 4 District Hospital hnohta a hlãpa he CSR fund tawhta chaleipa châ ta.10KVA Generator chhao he DC ta a chaleipa châ ta. DC heta CSR Fund tawhta Medical Mobile Unit Van nata Ambulance 2 district hospital hnohna heta a vaw hlâ ha hra. Thlarâh thla chhâna lâ liata District Hospital châta Ambulance 2 hropa cha BHEL CSR tawhta a vaw tlô heih aw tahpa a rei hra.
(Source: DIPR)