SIAHA, 7 Thlazoh, 2020 – Atanoh kha MTP General (Gen.) Headquarters (HQ) ta MTP Branch: Noaotlâh tlypa ta VC-I Court House liata apakyhna daihti pha kawpa ahmâpa a châ.
He apakyhna Programme he Puhpa PP. Zalena, President, MTP General Headquarters ta chhihtha ta, Puhpa Pakhaw Chozah, General Secretary nata Puhpa S. Vabeihasa, Vice President, Puhpa H. Vabeikhai, Executive Committee Member, MTP General Headquarters zy ta biereina ama hnei.
Noaotlâh VC-I President Puhpa Chhanleta ta biereina chyupa a hnei hra.
He apakyhna liata YLA Branch: Noaotlâh nôpawpazy ahlao thei hra ei ta, VC nôpawpazy amâ hlao hra.
MTP General Headquarters moh ta akaw sie hrapa Laihsa B. Priskily ta Lai reih ta hla sâ 1 sa tua ta, hnô lâ ta Mara reih ta hla sâ 2 tlai sapa ta zawpi avypazy a palôpahawh.
Apakyhna hnei khai tawhta MTP Branch: Noaotlâh zy ta zâpati vaw patohpatia ei ta, cha cha aly kawpa ta dôlâhpa a châ.
MTP General Headquarters nôpawpazy ta MTP Branch: Noaotlâh ama tlyna chhâpa he branch tha patlô awpa nata deichhy lymâ awpa a châ.
Atahmâ he Noaotlâh liata MTP Odyh 40 y ta, reiraoh kawpa ta ama sie lymâpa ta pahnopa a châ.
MTP General Headquarters & Town Branch tawhta asie theipazy:-
OFFICE BEARERS:-
- PP. Zalena, Preisdent
- Martin L. Nôhro, Sr. Vice President
- S. Vabeihasa, Vice President
- Pakhaw Chozah, General Secretary
- C. Mochono, Asst. General Secretary
- Golden Mary Solo, Treasurer
- Beirokhu Beita, Secy. i/c Information & Publicity
- J. Ngôchyu, Secy. i/c Art & Culture
- Reuben Hlychho, Secy. i/c Games & Sports
EXECUTIVE COMMITTEE MEMBERS:-
- H. Vabeikhai
- P. Robert
- TT. Vabeichhuakhu
- NT. Hrasia
- C. Lalchhanhima
- Solomon N. Beihlotha
- S. Chabei
- LH. Vabei
- John K. Rema
TOWN BRANCH LEADERS:-
- N. Beimolai, Vice President, MTP New Siaha
- C. Lawmzuala, President, New Siaha East-II
- Poela, Fin. Secretart, New Siaha
- PK, Secy. i/c Social Welfare, MTP Council Vaih
ARTISTE:-
- B. Priskily
MTP General Headquarters ta Noaotlâh MTP Branch hnoh ta deichhyna châta sôh Rs.30,000/- nata Sports chhaichhi vâro tlai hlâ pa a châ hra.
Noaotlâh MTP Branch zy nahta apakyhna hnei khai tawhta YLA Branch zy ahawna hawh ta VC-II Court House liata apakyhna hnei heihpa châ ta, YLA Branch: Noaotlâh tawhta Adsiver pa 2 nata Senior Adviser pa 1 hleikhô ta Vice President nata General Secretary zy ta biereina hnei ei ta, MTP Branch: Noaotlâh zy hnoh ta châ ama piepa chôchâh reipasiana chhao hnei ei ta, MTP tah khohna vâ tlyma châ leipa ta, khitlâh amohôhna avaw pha via thei nawpa ta apahno khei veichâh awpa apeimawh vâta châ ama taopa hawh ta ama reih.
MTP General Headquarters tawh deikua biereina hnei tlâ leipa châ ta, ama biereipa achhyna chhao tao tlâ leipa ta Puhpa PP. Zalena ta MTP General Headquarters ta MTP Branch: Noaotlâh tha patlô awpa ta siepa a châna thâtih chyupa a rei khai tawh thlahchhâ pazipa ta apakyhna daihti pachhâsapa a châ.
Noaotlâh-III (10 Km) liata Puhpa C. Ramchunga(L), Puhpa Pa-uka uhta miah apahâ sai hapa taokheina chhao, Siaha tawhta siena lâ liata hnei pâpa a châ.
Atanoh Noaotlâh khih tlyna liata asie theipa zydua, MTP General Headquarters ta alynabie reih pi ta, daodo kawpa ta zâpati miah chhuanoh tuhpa MTP Branch: Noaotlâh zy hnoh ta alynabie eima reih hra. Chadei châ leipa ta Noaotlâh-III (10 Km) liata Puhpa Pa-uka uhta Puhpa C. Ramchunga(L) chhôkhazy ta eima siena lâ nata eimâ zâ liena lâ liata thopi pahâh kawpa miah amâ chhuanoh vâta MTP General Headquarters mohta ama chô liata alynabie eima reih hmeiseih.
Sd/- SECRETARY
i/c Information & Publicity
Mara Thyutlia Py
General Headquarters
Siaha