SIAHA, 25 Thlazoh, 2020 – Zâhnia kha Mara Thyutlia Py Branch (MTP): Meisavaih East zy ta apeimawhna nata ângiahna liata hmâ awpa tahpa ta District Hospital, Siaha Blook Bank liata paso awpa châta Thisaih ama pie.
Apasai kawpa ta Thisaih apie theipazy:-
Chanô = 11
Chapaw = 24
TOTAL = 35
Thisaih piena he Meisavaih East Hall hmâpa a châ.
Siaha Blook Bank liata ahriapazy nata Association for Voluntary Blood Donation (AVBD), Siaha District chhituhpazy ta thisaih apiepa zydua hnoh ta alynabie reih ei ta, MTP Branch: Meisavaih East zy hnoh ta AVBD moh ta Citation hlâpa a châ hra.
AVBD ahawna nata MTP General Headquarters ryhraona hawhta MTP Branch zy ta thla kha liata ei kha Thisaih pie lymâ awpa ta 2020 Hmypi thlâpâ tawh kha ta Routine taopa ta Thisaih he pie pathaopa châ ta, kô 2021 Di thlâhpâ taih châta Routine he tao chypa a châ ta; Branch apie mâh leipazy chhao âpazina dâh hawhta pie lymâ heih awpa a châ hra.
MTP General Headquarters chata MTP Branch: Meisavaih East zy hnoh ta alynabie reih pi ta, avaw pie hapa Branch zy nata apie awpa branch zydua hnoh ta chhao alynabie eima reih hmeiseih.
Thisaih pie la, chyhsa hrona pachha mah y.
“Chiehleipazy bao tah, deichhyna lia hmaohkha ta.”
Sd/- BEIROKHU BEITA
Secretary i/c Information & Publicity
Mara Thyutlia Py
General Headquarters
Siaha.