SIAHA, 9 Phiata, 2020 – Atanoh he MTP adua atyh heihna ei 66-na a châpa vâta MTP General Headquarters chata atamy kha Siaha liata Jail, Deichhyna O (Home) zy nata Thohna O zy tlypa ta hmosai piepa hlânazy chhao hneipa a châ.
He deichhyna hmosai piepa hlâ awpa ta group sâ 2 lâta apachhaihpa châ ta, Vice President Puhpa S. Vabeihasa group nata General Secretary Puhpa Pakhaw Chozah Group
ta pachhaihpa a châ.
He liata eima Sr. Adviser Revd. NC. Vabeilua nata Puhpa V. Samson, Adviser zy hleikhô ta eima pawhrâhpa Puhpa N. Zahry chhao Mara Thyutlia zy tha patlô awpa nata deichhy awpa ta ano pôhpa tlai ta â vaw thaopa ta hmia miah â sahpa vâta MTP Gen. HQ chata a hnoh ta alynabie eima reih hmeiseih.
He hmosai piepa hlâ awpa ta pua hlâta my dawh 7:00 Am pa ta MTP General Headquarters Opi liata Flag tawna nata Thlahchhâna hnei tuapa a châ.
Revd. NC. Vabeilua ta thlachhâna he chhihtha ta, Khazohpa bie tawhta 66th MTP DAY BIETAPA reina nata pasyupalina bie reina a hnei hra. (YouTube liata video upload pa a châ aw.)
He thlahchhâna programme liana he ta Khazohpa ta Mara phopi miah a paduapa alynabie reina hneipa châ ta, Mararâh liata sawtei nawhtei avaw pha nawpazy, MTP zy ta reiraoh kawpa ta Mararâh châta hria awpazy, MTP Gen. Conference 2019 Resolution zy hlao eima patloh thei nawpazy nata atanoh Day ahmâna liata Branch zy ta apalâ kawpa ta ama hmâ chyu thei nawpazy châta thlahchhâna biepipazy thyupa a châ.
Atamy Programme liata OB & Executive Member zy puapha kaw pi ta, President Puhpa PP. Zalena deikua Theiri Branch lâ MTP Day ahmâ khei awpa ta a sie vâta ahlao thei vei.
MTP ADUA EI 66-NA APALÂ KAWPA TA AHMÂ CHYU AWPA TA KHOKHEINA EIMÂ HLÂ.
Sd/- SECRETARY
i/c Information & Publicity
Mara Thyutlia Py
General Headquarters
Siaha. In