CHHEIHLU, 4 January, 2021 – Atanoh ta Rev. MC. Zahluna (L) cha rôhna ngaitapa ta a paw thlâ kiahpâh, Chheihlu khih liata pabupa a châ.
Atanoh ri pathliena nata pabuna liata Mara râh liata cha a rôhna chaipa a châ thei ngyu aw.
Ri kiahpa khichhai-1000 hlei tlô ei ta, Pastor & Pro Pastor -28 nata Machâ & K.Machâ -200 rachhôh tlô thei ei ta, MADC Nôpawpa (EM&MDC) manôh-7 ama tlô thei hra. Motor saita -130 rachhôh ama tlô hra.
Achhyna-O Hall liata zâhia tlôkheipa ta, khih padei kheipa a châ. Bie nata hla chhao a pha ngaita kaw.
Pathliena & Pabuna daihti a hmâpa chhao a rôhna ngaita kaw.
Chakaona he Hall liata Pro. Davies biatuhpa ta chhihtha ta, Achhyna-O liata biatuhpa Rev. K. Leader chhihtha eita, amâ saomâ ngaita kaw.
A thâtih reina he Pastoral Coordinator, Local Secretary nata chhôhkha lâ tawhta reih ei ta, Tipâ Pastor Bia Hlapy nata Chapi Pastor Bia Hlapy zyta reithaina nata pathliena hla ta chaokaona ama hnei thei hra.
Rev. VL. Ngaia Hlychho SES, ECM tawhta Message rôhna ngaitapa nata palôh hria kawpa, a pachhoh sia kawpa ta nahthliepa châ ta,
Pabuna chakaona
Rev. Dr. FC. Beichô, Moderator ECM ta a pachhosia kawpa nata zachhih kawpa ta daihti a hmâh ta, a rôhna ngaita kaw.
A ri siena liata a chapiapa khih zydua liata vaw mokhâh lymâ eita, Tipâ khihpi nata Pastor Bia ta joint local church & Awnanopa zydua ta rôhna ngaitapa ta vaw hâdy eita, amo pathaihpa thina kyh liata Khazohpa a rôhna hmeiseih.
Khihchhôh ta khichhai maniah ama mokhâhna nata mohôh zie lia chhaota alypa châ ngaita kaw.
Eima chakaolâhpa
Rev. MC. Zahluna ri pathliena nata pabuna liata khihchhai nata khihchhôh nama saiheina nata kyhpachâna zydua liata Rev. MC. Zahluna chhôhkha nata ECM Assembly moh ta palôh chhôh chaipa tawhta alynabie eima châ hlâ ei.
Abeipa ta byhnâ cha pie mawh ei sy.
Sd/- Rev. VL. Dika
Pastoral Coordinator
ECM Assembly, Siaha.